~ Tv. Hranghminglien Varte
Pre-Marital Sex (innei hma a nupa nun hmang) hih ei khawtlang enin hril mawilo taka
khawm eilo ngai hlak el thei. Nisienkhawm, tu tieng ruok hin chu ei suklang a ei inhrilhriet
hi a pawimaw tah takzet a nih. Mi tamtakin sex (nupa nun) hril hih inzaknaa an ngai laiin
ei khawtlangah zalen takin ei inlengtir mek a ni ta zing an nawm a nih.
Ringtu inti zing siin ei khawtlang a sex a huor em em el khawm hih thil indik tak pa chu a ni naw hle a nih. Thalai hai lai sex hmang ei tam hle nasan pakhat cho hei tarlang ei tih. Thalai tamtakin sex an hmang nasan ni dinga ngai chu an ruol pawl hai infui na lei a nih. Ruol pawl thu a hin ei fimkhur hle a ngai in an lang. Eini tlangmi lem hi chu ruol ngaina mi eina, nu le pa hai thu nek khawma ei ruolhai thu ei lak rawp hun a bo nawh. Hi kawnga hin nu le pa haiin nau chunga an mawphurna hi an fimkhur nawk zuol a ngai hle a nih.
Innei hmaa nupa nun lo hmang ve ringawt hih a thatnawna a hmutu hai le a hretu hai seng eini ring a um. Insung kawidar (broken family) intanna khawm a ni nghe nghe bawk a nih. Mi tamtakin nau an suk thlak a, a then tamtak chu sex addict (zawngsak) in an suok mek bawk a nih. Josh McDowell in college pakhat research a thaw naa chun 44% pasal le 26% nuhmei hain innei hma a sex an hmang leia an addict thu an puong a nih. Rape, uire, etc. eiti hai intluntu chu sex addiction a ni rawp hlak.
Nupa nun a hunlo taka hmang ei uor leia ei nau fahra in hai a sip zo el ta hi chu ringtu eini na leh avan hme tanaw ngei de eh. Nau hai hih Pathienin a mi pek, ama siem ngei, eini haiin ei thawsuol leia nauhaiin an tuor el dam hi en ngam ava um naw ngei deh. Sex hmang leiin mi tamtak naupang te tein nuhmei pasal ei innei a, nupa hih iem ana ti khawm ei hriet tak tak hmain ei kum le ei varna khawma ala phaklo khawvel ei pal mek chu a ni deu tak chu an ta hih! Innei hmaa sex hmang leia inhma tak tak a lo inneia hun tawite hnunga inthe nawk el hi ei tam in a hmutu le hrepuitu hai seng eini ring a um. Hi kawnga hin thalai hai ei fimkhur nawkzuol ava ngai awm deh!
Thalai hun lai a sex tienga in hnamhnawi hih a thain ei ngai chi am? Pathien thu ei hriet naw lei khawm a ni na chin a um el rawi mawh? Thalaihai ei inngaituo chu ava tul ngei deh! Hieng zing hin chu kristien sungkuo iengtinam indin thei ei ta?
Bible in innei hmaa sex hmang a phalnaw zie tawitein zuk suklang ei tih. Pathienin mihriem a siem khan nuhmei le pasal a siema, nuhmei le pasal chu pumkhatin a siem nawk a nih (Gen 2: 24). Pathienin nuhmei le pasal pumkhata a siemna hih ringtu haiin inneina ei ti hih a nih. Gen 1:28 kha ei en nawk chun nuhmei le pasal chunga Pathien malsawmna ei hmu a nih, Pathien in nupa hai kha tamtaka inthlasawnga khawvel hluosip dinga thu a pek na a ni bawk a nih. Sex ei ti hih ei phur leia ei nuom hun huna eilo inhnelpui hih Pathienin umzie nei taka a siemna le chun ankal hle ti hi ei hriet ava pawimaw ngei deh! Bible thiem tamtak hai chun sex hmang hin Pathienin thiltum hieng; inthlasawng, nupa inlaichinna suknghet tu le inneina huongsunga thienghlim taka Pathien in a buotsai a ni an ti hih thil indik tak le pawmtlak a ni takzet a nih.
Sex ti thupui ei chei mek hih topic lien tak a ni leiin vawikhata zuk hril teu khawm thil harsa tak a nih. Vawituk a ei hung suklang khawm hih bawng remruma eihung ziek a ni a. Nisienlakhawm, sex in nang le kei, ei khawtlang le ei sakhuo chen a suk hmelhem ti ruok hi chu inhmai lul nawng ei tiu.
Nu le pa, kohran, khawtlang le mani sengin thang ei lak thar a pawimaw takzet an tah. Sex hih a \hanaw ema hril chi a eilo ngainawna hai kha peithlak a hun hle an tah. Chu nek hman chun, a thienghlim ema ei inhrilhriet a ei inchuk hin ratha ansuo lem el naw ding am a nih? Pathien thu in a hril ang taka in hrilhriet hih a va hun ta ngei de.
Source: Thalai Weekly
Ringtu inti zing siin ei khawtlang a sex a huor em em el khawm hih thil indik tak pa chu a ni naw hle a nih. Thalai hai lai sex hmang ei tam hle nasan pakhat cho hei tarlang ei tih. Thalai tamtakin sex an hmang nasan ni dinga ngai chu an ruol pawl hai infui na lei a nih. Ruol pawl thu a hin ei fimkhur hle a ngai in an lang. Eini tlangmi lem hi chu ruol ngaina mi eina, nu le pa hai thu nek khawma ei ruolhai thu ei lak rawp hun a bo nawh. Hi kawnga hin nu le pa haiin nau chunga an mawphurna hi an fimkhur nawk zuol a ngai hle a nih.
Innei hmaa nupa nun lo hmang ve ringawt hih a thatnawna a hmutu hai le a hretu hai seng eini ring a um. Insung kawidar (broken family) intanna khawm a ni nghe nghe bawk a nih. Mi tamtakin nau an suk thlak a, a then tamtak chu sex addict (zawngsak) in an suok mek bawk a nih. Josh McDowell in college pakhat research a thaw naa chun 44% pasal le 26% nuhmei hain innei hma a sex an hmang leia an addict thu an puong a nih. Rape, uire, etc. eiti hai intluntu chu sex addiction a ni rawp hlak.
Nupa nun a hunlo taka hmang ei uor leia ei nau fahra in hai a sip zo el ta hi chu ringtu eini na leh avan hme tanaw ngei de eh. Nau hai hih Pathienin a mi pek, ama siem ngei, eini haiin ei thawsuol leia nauhaiin an tuor el dam hi en ngam ava um naw ngei deh. Sex hmang leiin mi tamtak naupang te tein nuhmei pasal ei innei a, nupa hih iem ana ti khawm ei hriet tak tak hmain ei kum le ei varna khawma ala phaklo khawvel ei pal mek chu a ni deu tak chu an ta hih! Innei hmaa sex hmang leia inhma tak tak a lo inneia hun tawite hnunga inthe nawk el hi ei tam in a hmutu le hrepuitu hai seng eini ring a um. Hi kawnga hin thalai hai ei fimkhur nawkzuol ava ngai awm deh!
Thalai hun lai a sex tienga in hnamhnawi hih a thain ei ngai chi am? Pathien thu ei hriet naw lei khawm a ni na chin a um el rawi mawh? Thalaihai ei inngaituo chu ava tul ngei deh! Hieng zing hin chu kristien sungkuo iengtinam indin thei ei ta?
Bible in innei hmaa sex hmang a phalnaw zie tawitein zuk suklang ei tih. Pathienin mihriem a siem khan nuhmei le pasal a siema, nuhmei le pasal chu pumkhatin a siem nawk a nih (Gen 2: 24). Pathienin nuhmei le pasal pumkhata a siemna hih ringtu haiin inneina ei ti hih a nih. Gen 1:28 kha ei en nawk chun nuhmei le pasal chunga Pathien malsawmna ei hmu a nih, Pathien in nupa hai kha tamtaka inthlasawnga khawvel hluosip dinga thu a pek na a ni bawk a nih. Sex ei ti hih ei phur leia ei nuom hun huna eilo inhnelpui hih Pathienin umzie nei taka a siemna le chun ankal hle ti hi ei hriet ava pawimaw ngei deh! Bible thiem tamtak hai chun sex hmang hin Pathienin thiltum hieng; inthlasawng, nupa inlaichinna suknghet tu le inneina huongsunga thienghlim taka Pathien in a buotsai a ni an ti hih thil indik tak le pawmtlak a ni takzet a nih.
Sex ti thupui ei chei mek hih topic lien tak a ni leiin vawikhata zuk hril teu khawm thil harsa tak a nih. Vawituk a ei hung suklang khawm hih bawng remruma eihung ziek a ni a. Nisienlakhawm, sex in nang le kei, ei khawtlang le ei sakhuo chen a suk hmelhem ti ruok hi chu inhmai lul nawng ei tiu.
Nu le pa, kohran, khawtlang le mani sengin thang ei lak thar a pawimaw takzet an tah. Sex hih a \hanaw ema hril chi a eilo ngainawna hai kha peithlak a hun hle an tah. Chu nek hman chun, a thienghlim ema ei inhrilhriet a ei inchuk hin ratha ansuo lem el naw ding am a nih? Pathien thu in a hril ang taka in hrilhriet hih a va hun ta ngei de.
Source: Thalai Weekly
COMMENTS