Fox Journal: Zanizan April 25, 2016 khan 32nd ICI KTP Central Inkhawmpui lien New Delhi a hmang huna Rev. Thangngur Award (Malzai/Solo Comoetition) dawngtu Nk. Lalhmunmawi d/o Pu Lalsanhim, Neithang Veng, Cachar, Assam chu Roberts' Jubilee Chapel, Sielmat hmunah Sielmat ICI Thalai Pawlin lawmpuina hunser ropui takin an hmangpui.
Hi huna hin Nk. Lalhmunmawi hi Sielmat ICI Thalai in lawmpuinain Memento le sumfai an inhlan a. Nk. Lalhmunmawi hin Inpakna hla Independent Hla mawi tak takin thiem takin a sak a. Nk. Deborah Infimate, Sinlung Star Top 2 le ICI Central Choir hai khawma inpakna hla mawi takin an sak.
Hunser hmangnaa hin khuo dang danga Thalai Pawl le kohran danga Thalai thuoituhai khawm an thang tawl a. Mipui thahnem tak an fekhawm.
Rev. Thangngur Award tumtu Rev. Lalngailien Joute, Rengkai in thuhriltawi hun hmangin, hi Award hi ama a um ta naw hnung khawma a nauhaiin an la sunzawm pei ding thu hai hrilin Nk. Lalhmunmawi kuomah chibai bukna le lawmpuinain a hranin sumfai an hlan bawk.
Rev. HP Runremthang, YCO, ICI in Pathien thucha hrilna le Nk. Lalhmunmawi a chanchin tawi hrilna hun a hmang bawk.
Ama Nk. Lalhmunmawi hi hla khum dinga hung suok niin chanchin ei hriet.
Hunser hmangzo a ni hin tuolah Lawmpuina thingpui inhnik tak el dawntlangna nei a nih.
Sielmat EFCI Thalai thuoituhai
 |
| ICI Central Choir |
 |
| Rev. HP Runremthang, YCO, ICI |
 |
| Nk. Lalhmunmawi, Rev. Thangngur Awardee 2016 |
 |
| Rev. Lalngailien Joute, Rev. Thangngur Award sponsor tu |
COMMENTS