Fox Journal: Hungtlung ding April 25, 2016, zan dar 6:30 khin 32nd ICI Central KTP Inkhawmpui lien 2016, New Delhi-a hmang a ni huna Rev. Thangngur Award dawngtu Nk. Lalhlunmawi, Neithang Veng, Cachar chu Sielmat ICI KTP in Roberts' Jubilee Chapel, Sielmat ah lawmpuina hunser hmangpui an tih.
Lawmpuina huna hin Rev. HP Runremthang, Youth Co-Ordinator (YCO) in Pathien thu hrilna hmang a ta, Rev. Lalngailien Joute in thuhriltawi hun a hmang bawk ding a nih.
Hi hunsera hin Nk. Deborah Infimate a inthawk le Rev. Thangngur Award dawngtu Nk. Lalhlunmawi a inthawkin inpakna hla iemani zat ngaithlak ni bawk a tih.
Hi le inzawm hin Sielmat ICI KTP thuoituhai chun hi lawmpuina hunsera thang seng ding hin mitin a fiel tak meu a, hunser hlawtling taka hmang a ni theina dingin mitinin tawngtainaa lo hre dingin fielna a siem sa nghal.
COMMENTS