Fox Journal: Wang Xiaohu le Feng Yichong hai pahni chu Junior High School a kai hmunkhat le thungna hmunkhata inthung hlak an nih. An inruolthatna/hmangaina chu thutiem pakhat chauin an tan.
Feng hin a pienga inthawkin natna danglam takel (hereditary spastic paraplegia) chu a neia. A bul chun Feng natna hin a ruol dang hai nekin a lawn hrat naw met ti naw chu harsatna dang an tlun naw a. Amiruokchu, a natna chu hung zuolin Feng chu thangpuitu bo tawp chun lawn thei lovin a hung um tah a a nih.
Weng hi Feng hai elementary school a hin kum 2014 a insawn lut a ni a. An sawn lut hin Feng le an inthung hmunkhat a nih.
Feng harsatna a hung hmu chun Weng chun Feng chu classroom chen a tlung theina dingin a tlawmngai, thangpui tan tah a, ruoltha tak an hung ni pei tah.
Kum 2015 a hung nia an class khawm a lan ang peia. Feng harsatna, a natna khawm chun zuol tieng a pan peia. A tawpa chun Feng chu lawn thei ta loin a hung um tah a. Chutaka inthawk chun Weng chun a ruolpa Feng chu thangpui dingin thu an tiem tah a. Classroom chen chu a puok tlung hlak a nih. Chu el chau chu ni lovin, Weng chu campus ah um ta naw sienkhawm Feng chu a riekna hmuna inthawkin classroom chen paw tlungin a tin hunah a puok kir nawk hlak a. Zing le zanin a ruolpa Weng chun chu sin chu a ruolpa ta dingin a thaw tah a nih.
Kum 2015 kum tawp tiengpang chun Feng a doctor pa chun Feng chu ama khatin a lawn thei ta naw hrim hrim ding thu a hril a. Hi thu Feng in a hriet chun school kai chu chawlsan a tum ta hiel a. Amiruokchu, a ruoltha Wang chun chona pein a theitawpa thlemin, school hmunkhata kai ei ni sung phawt chu puo zieng ka che tiin a ruolpa kuoma chun thu an tiem a. Chuong ang tak chun, tuhin Wang in a thutiem chu hlen dingin a ruolpa kuoma an tiemna chu ringum takin a thaw zing a nih.
Feng ta dinga thangpuitu ka ni zing theina dingin School le College hmunkhata kan kai zing thei ka beiseiin ka nuom hle tiin Wang chun a hril.
Feng le Wang hai ruolcham inhmangaina hi a mawia, lungril a them hle.
COMMENTS