SAHRANG NUMBER HI IENG ANG AM A NA? EINI TA DINGIN A TI UM AM?

By Rev D Ruolngul



Tulai hin India ram pumpuia Biometric Census nei mek a niha. Hi census hi mi thenkhathaiin Sahrang number hung suokna ding ni dinga hrilin mi tamtak an sukbuoi a. A pawi hle. 

Hi thu hi Paula‘n II Thes. 2:1-12ah feltakin a hrila, hieng ang hin, “Tukhawmin hlem naw rawse cheu; tluksanna chu a hung tlung hmasa zeta, Danbawsepa, Bohmang naupa chu a hung inlang naw chun, chu Ni chu tlung hri naw ni” (II Thes. 2:3) tiin. Hi Ni a ti hi Krista hungnawkna ni, Jentel ringtuhai boruoka Krista tuok dinga laktunga umna ni ding a nih (I Thes. 4:16,17). Krista hungnawkna ni tlungna ding chu Danbawsepa a hung inlang pha a ni ding a nih a tih a. Danbawsepa a hung inlang pha chun, “Ama chun Pathiena an inbuk taphawt le sakhuo popo dovin an chunga um tumin inchawimawi a tih; chuongchun, Pathien biekina thungin Pathien ang rauvin intar suong a tih” (II Thes. 2:4) tiin. 

Hmangai Johan ruok chun, hi hung inlang ding hi “Sahrang” a tih a. Hi Sahrang hi “Uongna le Pathien hrilsietna thuhrilna bau a kuomah pek a na, thla sawmli pahnih chang dingin thupek a ni bawk a” (Thup. 13:5). Chu pha chun “Leilung insieng tira thattah Beramte Hringna Bua hming ziek naw po chun Pathien chibai bukin buk an tih” (Thup. 13:8). Chun, “mi popo a lien a chinin, a hausa a pasiein, suok le suoknawhai khawm, an kut changtienga manih, an chala manih inchikna an neitir” (Thup. 13:16) ding a nih a ti bawka. Chu inchikna chu Sahrang hming amani, Sahrang hming number amani ni dingin a hril a (Thup.13:17) Hi Sahrang number hin umzie ieng am a nei a? ti chu tienlaia inthawka tulai chen hin buoipuiin a um a, ngaidan chi tum tum an vawrsuokhai an dika ngai thei pakhat khawm a la um nawh. A hming hrelovin a number umzie (umzie nei a ni chun) hrenaw inla khawm a number chu 666 a nih ti ei hriet leiin tuta mi thenkhathaiin an buoipui hi buoipui ding a ni naw zie hieng ang hi a nih: 

(1) Sahrang number hi “mihriem number a ni siha, a number chu zaruk saw mruk paruk a nih” (Thup. 13:18). Hi numbera inchika um dinghai chu “Mi popo a lien a chinin, a hausa a pasiein, suok le suoknaw hai khaw m an kut changtienga manih, an chala manih, inchikna” Sahrangin “an neitir ding a nih” (Thup. 13:16). Hi inchikna neinawhai “tukhawmin ieng khawm an inchawkin an zawr thei nawna dingin” inchik an ni ding a nih (13:17). Hitaka Sahrang number hi “mihriem nambar a niha”, (Thup.13:18) a nambar chu 666 a nih a ti bawka (Thup.13:18). A mihriem hming hril an naw khawmin, a number 666 a nih ti a hril leiin ei hriet nghal tah a. A hming ruok chu ei la hriet nawh. A sutsuok tumtuhai khawmin tu chen hin an la sutsuok thei hri nawh. Number 666 hi inchikna ding chu niin Bible-in a mi hril leiin a hming hre naw inla khawm a pawi chuong nawh. Tuta Biometric hmanga Census a hin chu, mitinin number tum seng, inang lo vawng ei nei ding a na. Bible-in Sahrang numbera inchikhai chun number inang seng 666 an nei ding a nih a ti leiin, tulaia Biometric Census hin Sahrang numbera inchik ding hi a kawk thei naw hrim hrim a nih. 

(2) Inchika a um hun ding chu Dragon le Sahrang Pathien chibai buka an buk a, thla saw mli pahnih (kum thum le a chanve) thuneina peka a uma, miinthienghai a dova, hnuoia um popo, leilung insieng tira thattah Beramte Hringna Bua hming zieknaw hai povin Pathien chibai buka an buk (Thup. 13:4-8) huna ding a ni chau a nih. Hi hun hi Rinumna nasatak (Great Tribulation) kum sariha a kum thum le a chanve nuhnunglem hun sunga ding a nih ti Biblein a mi hril a. (Thup. 13:5). Chuleichun, Sahrang number neitu dinghai chu Rinumna Nasatak (Great Tribulation) hun sunga umhai chau an nih ti fietakin Biblein a mi hril leiin buoipui ding iengkhawm eini ta dingin a um nawh ti a sukfieha. “Hnuoia um popo, leilung insieng tira thattah Beramte Hringna Bua hming zieknaw po chun Pathien chibai bukin buk an tih” (Thup. 13:7) a ti leiin, ringtu tak tak, kha huna thangvehai khan chu Sahrang kha chibai an buk ve naw ding a nih ti an lang bawk (Thup. 13:7). Kha huna khan chu eini Jentel Kohranhai chu ei thangve ta naw ding an bawk leiin, tuta lo buoipui ding iengkhawm ei nei nawh. A buoipuituhai hi “Beramte Hringna Bua hming ziek” ve lo an lo ni pal hi ti a um lem hiel a nih! 

Chun, ei hriet belsa ding pawimawhai chu, Danbawsepa (Sahrang) a hung pha chun, (1) “Pathien hrilse-a bau ka-in, Pathien umna vana umhai hrilse-in, miinthienghai a do ding a nih” (Thup. 13:6,7). Chu chu kum thum le a chanve (3.1/2) nuhnunglema Sahrangin inremna suktawpa “inthawina le thilinhlan suktawp a tih” (Dan. 9:27; cf. Thup. 13:5) a ti huna tlung ding chau a na. Krista boruoka a hunga, Kohranhai ama tuok dinga zuklaka ei um (I Thes. 4:16, 17) hnunga tlung ding chau a nih. Tribulation huna tlung ding a ni leiin ringtuhai (Jentelhai) chu Vanah Krista kuomah ei um dai ta ding a nih. Ei ta dingin ti ding a um nawh. (2) Sahrang a hung pha chun, “Sakhuo popo (Hinduism, Mohammedanism, Jainism, Buddhism, Christianity etc. etc) a do ding a nih” (II Thes. 2:4) Biblein a tiha. Tu hin chu khawvela sakhaw tinin zalenna thatak ei la nei senga, Sahrang chibai buk dinga thawluina khawm a la um nawh. 

Hi buoipuituhaiin an buoipuina san ni awma inlanghai chu: (1) “Danbawsietna thuruk chun tu khaw m hin sin a thaw mek a nih” ((II Thes. 2:7) Paulan a ti anga tulaia Biometric Census hi Danbawsietna thuruk sinthaw ni dinga ringna leia an thaw ni sien a hawi a. Danbawsietna thurukin sin a thaw tanna lem chu Paulan Thessalonika lekhathawn a thawn hun (AD 50) lai daia, mi thenkhathaiin “Lalpa ni a tlung zing an tah” (II Thes.2:1,2) an ti huna intantah kha a nih (II Thes.2:7). Danbawsietna thurukin khang hun laia sin a lo thaw mek ta lei khan hieng thuhai hi Paulan a ziek a ni lem a nih. Danbawsietna thuruk chun kum 2000 lai sin a thaw zing an tah ti hriet thang a tih, tulaia a thaw tan el an nawh! (2) Thup. 3:10 a, “hnuoia umhai fie dinga khawvel popo chunga fiena hun hung tlung ding” a ti fiena hun hi tulai hun hi niha an ngai leia an thaw ni bawkin an lang a. Sienkhawm hi hi Judahai chungchang a nih ti Thup. 3:9 ah chiengtakin a hril a. Eini Jentel kohranhai khawmin ei ringna infiena hi Krista hung hma po chu ei tuok ve zing tho ding a nih ti ruok chu an dika, sienkhawm tulaia infienaa ngai bik ding chi niin an lang nawh. (3) Khawvel Hunpui (Dispensation) pawmlo le ngaisaklohaiin, Pathienthu-in Juda hun le Jentel hun (Isu hemdeha a uma inthawka tulai hun chen, Jentel huna um mek ei niha, hi hun) a tawp hun ding Isun, “ Chu ni le a pha chu Pa chau naw chun tukhaw min, vana vantirkohai khaw min an hriet nawh” (Matt. 24:36) a ti kha an ngaisak naw leiin chu hnunga tlung ding a ni hmel hrelovin an buoipui nilemin an lang. Krista ringtu Jentel haiin boruoka Krista ei hang tuokna ding ni chu ieng hun khawma tlung thei zing (imminent) an tah! (Matt. 24:44; Luka 12:40; I Thes. 5:1-5). Hi huna Krista boruoka tuok ve ngei dinga Krista ringa sandamna changa inzosaa lo um hi a pawimaw lem le a pawimawtak chu a nih. 

Chuleiin, tulaia Sahrang number buoipuituhai hi Setanin a hlema buoipui lo ding an buoipui ni lem dingin ring a um. Pathien thutak, ringnawhai kuoma sandamna chanchintha hrila Krista kuoma mi thuoi tum lova buoipui tul lo buoipui an nih ti inhre vat hai sien nuom a um khawp el! Tuta Biometric Census a thanglohai chu khawvela ram bo, ram neilo, mi vakvai an ni lem ding a nih!

Source: Kristien Magazine

COMMENTS

Name

Articles,95,B Lalsanglien,1,Bakshi,1,BUONGLIENKUNG,11,Cleaven Hmar,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,2,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,2,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,4,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,498,LR NGHINGLO,1,LT. NEITHANG,1,Manipur,1,National News,29,News,567,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: SAHRANG NUMBER HI IENG ANG AM A NA? EINI TA DINGIN A TI UM AM?
SAHRANG NUMBER HI IENG ANG AM A NA? EINI TA DINGIN A TI UM AM?
https://2.bp.blogspot.com/-uEwqLMVdKcA/VwFd7qTpZTI/AAAAAAAAAxU/stRJ4xcCiJIuMt_zsWdx8jNYZjzsT224A/s320/666-number-of-the-beast.jpg
https://2.bp.blogspot.com/-uEwqLMVdKcA/VwFd7qTpZTI/AAAAAAAAAxU/stRJ4xcCiJIuMt_zsWdx8jNYZjzsT224A/s72-c/666-number-of-the-beast.jpg
FOX JOURNAL
https://www.foxjournal.in/2016/04/sahrang-number-hi-ieng-ang-am-na-eini.html
https://www.foxjournal.in/
https://www.foxjournal.in/
https://www.foxjournal.in/2016/04/sahrang-number-hi-ieng-ang-am-na-eini.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy