SAM ANG THEZAI I REL TA SI MAW!!

Phuoktu:  H Zate

1. Bawite I Sakhmel ka tawng ni khan,
Hlimna’n ka sipliem Lunglairuk ah,
Ka Hmangaina I dawnlet ni khan,
Ka Hringnun hi Hlim,na’n a sipliem.,

AW! Ka ngai, ka nga zuol che,
Nghilni I um sinawh,
I sakhmel nuihieu le hlimthla,
Singmitthla ah a cham zing si,
Lunglairukah I hlui thei mawl nawh.

2.  Hmangaina le Ringumna tiemin,
Kumtluong a di’n, Hlimte’n ka leng a,
Lungmawl Hmangaitea mi pawmin,
Ka Hringnun hi par ang a vul si,.

3. Kumtluong Hmangaina chuoilo in tiem,
Ringum takin, Famchang , Pielral chen,
Hringnun neka Hmangaina tawiin,
Sam-ang thezai I rel ta si maw,

4. I hluinawh, I hlui thei mawl si nawh
Ngailai ka bang theinaw, Buon-ang pawm,
Hlimtea lenglai hai dawnkirin,
Lunglai ah nghilni I um thei naw.

5. Hunin a liempui anti khawsawt,
Kumsul veiin huntam liem sienkhawm,
Annem si nawh, suilungleng nang ngai,
Sakhmel tawng changin a thar nawk si.