Fox Journal | Shillong: Meghalaya, Shillong khawpuia um School changtlung pawl le hriet hlaw tak el St. Peter’s Higher Secondary School chu vawituk zing dar 4 khan mei in nasatakin a kang. Meikang suok nasan tak ni dinga ring chu short circuit lei ni dinga ring a nih.
Hi lai bul hnaia um hai hril dan chun mei hi short circuit a inthawka suokin chu chun school block hlui tiengpang thingphek deu vawng tieng chun a pakai a. Gas cylinder puok chun hi mei suok hi a suok zuol nasa hle niin an hril.
Thi le hliem ruok chu an um naw niin report a ni a, mei suok huna um hai hi a hnungtienga lutna ah an lo suok hman tawl a nih.
Mei thel dingin fire brigade 3 incha an nia chu a lampui chin leia lut harsa leiin a hmun hi an paw tha naw a. Hi mei hi darkar chanve vel a aw a, chu zo chun thelmit chau niin chanchin ei dawng.
Mei-in a kangsiet hi ieng iem a ni a ti chieng taka hriet thei a la ni naw a chu Lakh tam manhu a kang ral niin an hril.
Source: TNT News
COMMENTS