By Hranglien Songate
Kan lengna tukram hring ngielah,
Thing tin par sawl ang vul chiei a;
Damlai tui thieng le thlifim chamna,
A mawi zie tu’m a hril thei ding?
Thing tin par sawl ang vul chiei a;
Damlai tui thieng le thlifim chamna,
A mawi zie tu’m a hril thei ding?
Hai ang mawlna hun hi liem sienla,
Thangno ruol kim nun hung mawi raw se;
Varna le thiemna damtui ang,
Luong demdem rawh kan ramah.
Thangno ruol kim nun hung mawi raw se;
Varna le thiemna damtui ang,
Luong demdem rawh kan ramah.
Hun le nihai kum ang an dang,
Ruol hluihaiin muol an liem tah;
Anni hai bo hnu’n ruol tharhai,
Sakhming tha muol ang chunghnung rawh.
Ruol hluihaiin muol an liem tah;
Anni hai bo hnu’n ruol tharhai,
Sakhming tha muol ang chunghnung rawh.
Muol le tlang tin le phai cham, ruom,
Ka thlirin a mawi, hril thei lo;
Lentu zara rengte zai le,
Kulvareng le huiva’n an awi.
Ka thlirin a mawi, hril thei lo;
Lentu zara rengte zai le,
Kulvareng le huiva’n an awi.
Mim le sawmfang kan thlai tinreng,
Lawlai lungruola kan tuon sa;
A par fim ding kan lo nghak chu,
Chuongkhuonu zarin malsawm rawh.
Lawlai lungruola kan tuon sa;
A par fim ding kan lo nghak chu,
Chuongkhuonu zarin malsawm rawh.
COMMENTS