Europe khawmuolpuia rambung inelna insangtak UEFA EURO 2016 chu 10 June a’nthawk 10 July sung hin France ramah inkhel ning a tih. Kum 1960 a’nthawkin hi tournament hi inkhel tan ni in kum 4 dan peiah inkhel hlak ani a, tukum hi a vawi 15 na ani tah.
Tukum hin a vawikhatna dingin team 24 in, group 6 a the in an khel ding an’a, kum dang khan chu team 16, group 4 a the a inkhel hlak a lo nih. France ram sunga khawpui hrang hrang 10, hieng; Bordeaux, Lens, Lille, Lyon, Marseille, Nice, Paris, Saint-Denis, Saint-Etienne le Toulouse a stadium 10 hai ah inkhel hlak ning a tih. UEFA EURO 2016 a champion team hin 2017 FIFA Confederations Cup, Russia hmuna nei dingah Europe khawmuolpui aiaw in inkhel a tih.
Team Qualify hai:
Group A
France
Romania
Albania
Switzerland
Group B
England
Russia
Wales
Slovakia
Group C
Germany
Ukraine
Poland
Northern Ireland
Group D
Spain
Czech Republic
Turkey
Croatia
Group E
Belgium
Italy
Republic of Ireland
Sweden
Group F
Portugal
Iceland
Austria
Hungary
Inkheldan ding tlangpui:
Team tin hin vawithum seng league system in an inkhel kuolvawng hnungah group tina 1st le 2nd hai bak ah 3rd place team thaw tha tak pali hai hin Knockout Round(Round of 16) an inkhel ding anih, chu zo ah quarter final, semi final le final inkhel ding zawng nawk pei ning a tih. Knockout stage a’nthawk hin a tul ani chun extra time le penalty shootout hmangin a hratlem zawng ning a tih.
Tu’m Champion a ta?:
Football inkhelthiem ram a hrietlar Netherlands hai hmel ei hmu naw ding ani lei ringawtin a boring dingin hei ring naw phawt in la. Mi tam lem ringdan chun France, Germany, Italy le Spain hai hin champion theina chance an nei tha bik zuol a, tournament intluntu France hai hi an ram a ni leiin confidence khawm an nei tha bik ding a ni a. Germany hai hlak chu World Champion lai an ni leiin an duoi naw hle ding anih. Italy hai hi World Cup khan thaw than aw vieu hai sienkhawm, Euro 2016 qualifying round kha hnelo nei lovin an paltlang anih, an danger hle. Spain hai hi Euro Champion lai an ni el khelah, tukum hin an champion nawk chun chu a zawnin vawithum an champion na ding ani leiin theitawp a an thaw hei ring phawt ei tih.
Hieng hai khela hin FIFA World ranking no. 1 ni lai mek Belgium khawm hi beisei an um vieu. Tulai hnaia Kane le Vardy inkheldan en chun England khawm huphur um vieu dingin an inlang. Poland hai khawm hi football khawvelah chu hming nei bek bek naw hai sien khawm, tulaia striker danger pawl taka an hril Robert Lewandowski an nei leiin an che tha vieu el thei. Portugal hai khawmin mitin hrietlar Ronaldo an nei ve bawk a, Wales hai in khawvela footballer man to tak Gareth Bale bakah English Premier League a player tha tak tak an nei leiin beisei chu an um ve vieu. “Ka thangnawna World Cup chu inhawinaw ni” ti a confi taka inkhel hlak Zlatan Ibrahimovic khawm in a ram Sweden hi champion pui thei ngat sien chu confi zuol hle’ng a tih.
Thil dang dang:
~ 13 november 2015 a Paris khawpuiah buoina namenlo a suok lei khan security chu an khau hle ding a ring a nih.
~ Video games siemtu inlar ‘Konami’ chun UEFA EURO 2016 video game chu free DLC(Downloadable Content) in ‘Pro Evolution Soccer 2016’ a khel thei dingin a siem a nih.
~ Hi tournament a official mascot chu ‘Super Victor’ a nih
~ Hi tournament a official match ball ding chu Adidas hai siem ‘Beau Jeu’ ning a tih.
~ Hi tournament a official theme song chu David Guetta phuok, ‘This One’s For You’ a nih.
Ei rambung tan hai an hrat ngei ding beiseina leh UEFA EURO 2016 hmunuomum tak chu lo thlir seng ei tiu.
COMMENTS