ZALENNA NI

By Lalhmingthang

Hi khawvel hnam ze tinreng ha’n,
Aw zawng hlak chu zalenna hi;
Ei ni HMAR nau lenghai khawm hin,
Ei nghak zalenna ni;
Inthuruolna nei si lovin,
Hnam zalenna hmu thei ei ti’m?


Ei ram, ei hnam zalenna chu,
Nang le keia innghat a nih,
Inthuruolin kalchaw ei ta,
Zalenna ram panin;
Malsawmtu chung Pathien zarin,
Par ang la vul ve ngei ei tih.


Aw zalenghai hung tho unla,
Inthuruolin hmasuon ei tiu;
Mi hmusit ding i ram le hnam,
I lai a na naw maw?
Ţhuoitu ringumhai hung tho ro,
Inthuruola hma tieng pan di’n.


Thanghlui lungmawl lungngai naw la,
I lo beisei zalenna chu;
Par ang la vul ve ngei a tih,
Thangthar mithiem zarin;
Ei ram le hnam zalenna ni,
Par ang lawm kar chu ei nghakhla.