Hlasakthiem le a chet dan mawi tak tak el Television a ei lo hmu ta hlak, Laldinpui hi Tinsung khuo a pieng niin, tuhin Rengkai, Shillong Hills, CCPur ah a pasal leh an khawsa mek.
Ama, Laldinpui hin kum 2011 a'nthawk khan hlasak hi hung tanin a hung inhnik tak tak tan a, thang hung lain hla 7 vel chu a lo khum fel tah a, Music Video khawm mawi tak tak el, en inhawi deu deu pathum zofel sa diem a nei an tah.
Tulai hnai khawm hin hla thar siemin thang a lak mek niin ei inbiekpuinaa chun a hril a. Ama hin a hlasakna hmun khawlai hmun khawm nisien inhawi a ti vawng hlak a, hlasak el khelah stage performance hi a hnesaw ti kha chu hril tul loin ei sie el a ni kha.
Ei hmar hlasakthiem hai dawmsang tu ding chu nang le kei ei nih ti kha hre zingin an hla hai le an Album hai lo hlutsak pei hlak ei tiu. Youtube a dam, inchawkntulnaa dam a en pek le an chawk pekna kawngah thahnemngai zuol sau dingin ei infiel.
Laldinpui khawm hin hla tha tak tak hung siem belsa peia hi neka nasa lema Hmar Rimawi khawvel sawihning dur dur thei khawp hiel dinga thang hung khaw dingin FJ chun ditsakna insangtak ei inhlan.
COMMENTS