Fox Journal: Hmarkhawlien Joint KTP hmalaknaa Thla liemtah April a inthawka tana lo um tah, Hmarkhawlien khawsungah "KRISTA A INPUMKHATNA" ti thupuia hmangin Hlapawl, Malzai le Bible Quiz inruolsiekna neia um chu zani zan khan RPC Biekin, Hmarkhawlien ah a vawrtawp a lo tlung tah. Hi inruolsiekna hi Pu Lalthomlien Hmar, Chairman, Barak Valley Hills Tribe Development Council (BVHTDC) in a sponsor a nih.
Pathien kuoma tawngtainain Pastor Joe Sanghmingthang, ICI in inkhawm inhlanna a nei a. Hunser hi zan dar 6:30 a tan a ni a, hi inkhawm a hin Mipui 2000 lai an fekhawm a. Biekin hin a kengnaw leiin tuolah tam takin Big Screen hmangin an en hlawl a nih.
Inruolsiekna chi dang danga endiktuhai chu a hnuoia ang hi an nih:
Malzai (Solo): Lalhuolhim Pulamte, ICI; Lalrosiem Puruolte, EFCI; Joel Faihriem, PCI Local; Pi Nienglawmkim, ICI (Special invitee).
Hlapawl: Rev. Zahnienglo, WMCEI; Rev. Joe Sanghmingthang, ICI; L. Ros Thiek, RPC; Upa Lalkhawlien, ICI; Pu Lalngaizuol, EFCI; Rev. T. Hmingthang, PCI hai an nih.
Lawmman dawngtuhai chu a hnuoia ang hin:
Malzai:
1st: Deborah Lalnunthieng d/o Rev. Fimliensang, EAC
2nd: Lily Lalparmawi d/o Eliazar Joute, ICI
Bible Quiz:
1st: AGEI
2nd: WMYF/
Hlapawl:
1st: Dinthar PYF, Hmarkhawlien
2nd: ICI KTP, Hmarkhawlien
Hlapawlpui inruolsieknaa hin kohran 8 an thang a, a thiem tak a pakhatna latu hin Rs. 12000/- le citation an dawnga, a dawttu a pahnina in Rs. 8000 le citation dawngin a dang po haiin Consolation in Rs. 1000/- seng an dawngve.
Malzai a pakhatna latu hin Rs. 8000/- a dawnga, a dawttu a pahnina in Rs. 4000/- le Top 5 haiin Rs. 1000/- seng an dawngve nih.
Chun, Malzai Top 5 hai po hi Pu Lalthomlien Hmar, Chairman, BVHTDC in Album siempui digin an tiem a, chu el khelah, Hmarkhawlien Choir indin a Album buotsai ding khawma an pei zing thu a hrilsa bawk niin chanchin ei dawng.
Inkhawm le inruolsiekna hai hi Rev. Sakhuolien, CFGI in Pathien kuoma tawngtaina neiin khar le tumtiek a nih.
COMMENTS