MIHRIEM NUN TAWI ZIE | FOX JOURNAL
Document

MIHRIEM NUN TAWI ZIE


Written by Lalhmingthang Thiek

Thlanmuol ei hang fang chun naupang thlanlung tamtak ei hmu hlak a. Chun, thalai thlanlungin a dawt nawk hlak a. Tar kuna thi ti ding thlanlung chu an khat phar hlak. Jakob chun, “ka khuol inzinna kum chu kum za le sawmthum (130) a nih a; ka damsung kumhai hi a tlawmin a rimsikthlak a nih” a tih (Gen. 47:9). Job khawmin mihriem hringnun tawi zie chu hiengang hin a tih, “par angin a hung suoka, a vuoi hlak. Hlim angin a tlana, a um zing ngai nawh” (Job 14:2). David chun, “thina le kan inkar chu pen kht chau a nih” tiin a hril bawk (1 Sam. 20:3). “Ngaita, ka dam chen hi kutpha bawk chen chauin i siema” tiin ei hmu nawk (Sam 39:5).

Sam 90 na a hin Mosie chun mihriem damsung nihai hi a tawi zie le chatuona dinga inbuotsaina hun hlutak a ni zie a hril uor hle. Mihriem damsung kum chu – tienami anga tawp phut el ding a ni ziehai, tuipui lien anga luongliem zung zung ang le zan khat sung ang chau te in a hriet a. Mihriem dam kum hi a sawt taka khawm kum 80 a ni thei a, a sawtna khawm chu sin inrimna le lungngaina chau a ni ziehai, zanita ral ta ang le thangkhat in ang chau tein a hril a nih. “Kan dam sung ni po po hi i lungsennaah a bo hlak” (Sam 90:9) tia a hrilhai leiin damsung tawite ei nei ei Pathien lunginsenna tawk chaua ei hmang hlak zie a suklang hle bawk. Chuong an leiin mihriemhai hin ei damsung nihai tiem dan thiem ei mamaw ziehai a mi hril zui a nih.

Damsung ni tiem thiem a pawimaw: Sana buntu chun a nun le inmilin sana chu a her ngai nawh a. Sana her dan milin a hmang hlak lem. A sana a ena, an hnu hl eta chun an hmaw em em hlak a, a sana chu hun tiemnan a hmang el chau ni lovin a nun tiemna khawmin a hmang bawk a nih. Kristienhai hin hun ei tiemna sana Pathienthu en loa eini chau her hera ei her chun ei her suol hlak a nih. Dr. Billy Graham chun, London a university inchuklaihai hun thil iengkim in inchuk thiem tah a; nisienlakhawm i inchuk thiem thei lo chu iengtina hun hmang ding am ti hi a nih tiin a hril. Chuleiin mani nun tiem thiem hi a pawimaw tak a, a harsa tak khawm a nih. Khawvel hi ei hang en vela, mivar tak tak le mi thiem em em, nun dan thiem si lohai, mi ausa tak tak, situm si lohai ei hmu hlak. Hieng mihai hin, an nun tiemnan an nei le an thiemna an hmang hlak a, tiem hmasak lo ding an tiem hmasa leiin a tawpah an buoi nawk hlak. Bible a mi hausa tak khawm khan a sum kha a tiem hmasaa, chu hnunga chun a nun a tiem nawk chau a nih. Chuleiin, Pathienin a kuomah invet, vawizan hin i thlarau an hni ding che a nih, i thil suksuokhai kha tut a am ni tang a ta? a ta. Mani ta dinga sum inkhawla Pathien tienga hau sin aw chu, chuongang chu an ni hlak a ta (Lk. 12:20-21). Pathien thang loa nun hmangtuhai hi mi lungsietum tak an nih.

A letling zawnga f eta laklaw chun an dik zawnga fe nawk chu a harsa ta hlak. Ei hun le inmila sana her dik chu theina chin um sienlakhawm, a tawp chu buoina chau a lo ni hlak. Eini rawi chu aw, “A ram le a felna” zawng hmasa nekin a mi pek belsa dingah ei buoi hmasaa, chuleiin ei hringnun hi ei tiem indik thei naw a nih. Chu lungril chu “a neka lien dit, a neka nasa dit” a nih a. Chu hlak chun tawp chin a nei bawk nawh. Nei bak nei pei tum chun iengtina khawm a dittawk hmu ngai naw nih.

Ei dam sung ni tawi zie hi tiem hmasa inla, zu zawrnahai, zu inruinahai, suoltaka nun hmangtuhai hi a tium zie hre ngei ei tih. Hun hlutzie hre loin ei hmang ral mei mei hlaka, a tawpa chun insirin ei la tap ve el awm de!

Thi rinumna khawm hi ei that laia ei thaw ding ei thaw naw lei hin a mi suklungzing hlak niin an lang. Tlangval pakhat thi ding khawm hin a kum liem ta po pohai kha aw, ko kir nawk thei nisienla, ko kirin sandamtu kuoma lawmtakin inpe fai vawng tang ka tih a ti vawng vawng el a nih. Thuvar pakhat chun, “Thing kaua/zara vate tamtak ai chun kuta vate pakhat um chu a hlu lem” a tih. Chuong ang bawk chun nangma hringnun chu nangma kuta um a na. Chuleiin, damsung ni tiem thiem tumin tuta i hun la nei po a khan unau, thang la mawl el ta.

Ei Bible chun, “Ngai ta, tu hi hun lawmum chu a nia, tuhi sandamna ni chu” tiin a hril (II Kor. 6:2). Setan hlak chun aw nakie le hmang that dingin a mi dit a. Pathien chun tuta i hunk ha tuta ka hun hmang hi a dit hlak. Mihriemin ei thaw fuk naw nia ka hriet chu, nakie le thaw de ningah, sienkhawm ei thaw hmain ei thi tawl thut el ta si a. Pathien thu awi khawm hi ei dit senga. Nakie le awi dingin ei khek rawp hlak. CHuleiin, ei che suol rawp hlak. Ei tlangvalhai chun nuhmei pasal nei hun pha leh ei tia, ei neia, nauhai neiin, nu le pa tak tak ni hunhai ei hmanga, ei chan that hunhai ei nghaka, a tawp tawpa chun hang pieng tha nawk thei lang aw tip um zingin hremhmun panin ei liem pei hlak. I hun sukthienghlim la Lalpa pawl raw le. I hun hlu po pohai lal Isu Krista ta dingin hmang tum rawh.
Damsung ni tiem thiemtu chun a hun tawng ang peiin a hun chu a lo hmang thiem hlak a. Pathien hin vangduoina le vangneina ei tihai hi a mala hmu dingin a sie naw a, a dawngtu lungril tieng a sie lem hlak a nih. Sum le paihai hi vangneina ei hmu a, sienkhawm a dawngtu chun drugs ngawl invawi phanain a hmang chun a ta dingin vawngduoina rapthlak tak a ni thei ve. Sienkhawm a dawngtuin thiem taka a lo dawng sawng ruok chun ama ta ding le a insung ta dingin a hmang tangkai ve thei a nih.

Tirko Paula chun a damsung nihai a tiem thiem hle a. “Kei chu ieng ang khawmin um lang lungawi pei ka ching tah” tiin a hril thei a nih (Phil. 4:11).

Chuong ang bawk chun, nang le kei khawmin ei damlai ni tawi zie hi hre tharin ei hringnun hi thiem taka tiem pei tumin ei hun hlutak hi hmang tum dingin ka ditsak che. Lalpa ta dingin sin thaw mawl maw lei tiu.

Lalpa’n mal mi sawm pek raw se.

Source: www.ici.net.in

COMMENTS

Name

Articles,96,B Lalsanglien,1,Bakshi,1,BUONGLIENKUNG,11,Cleaven Hmar,1,David Charles,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,3,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,3,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,5,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,500,LR NGHINGLO,1,LT. NEITHANG,1,Manipur,1,Mizoram's Got Talent,1,National News,29,News,569,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: MIHRIEM NUN TAWI ZIE
MIHRIEM NUN TAWI ZIE
https://blogger.googleusercontent.com/img/b/R29vZ2xl/AVvXsEis0Ykwesdl7cs2LO6m5PoCNt3uVtuGab-Ndw4L1rY0d8ZD3DznNO3nlKbOziA7YqWohfJQmL4X7t_pR8wNbx7q51WiDHfHOVFJEfTQ_ANKXJAV3xsLUXI-NdX5pSyd-QObtd41LHVfc5M/s320/1aa149e.jpg
https://blogger.googleusercontent.com/img/b/R29vZ2xl/AVvXsEis0Ykwesdl7cs2LO6m5PoCNt3uVtuGab-Ndw4L1rY0d8ZD3DznNO3nlKbOziA7YqWohfJQmL4X7t_pR8wNbx7q51WiDHfHOVFJEfTQ_ANKXJAV3xsLUXI-NdX5pSyd-QObtd41LHVfc5M/s72-c/1aa149e.jpg
FOX JOURNAL
https://www.foxjournal.in/2016/05/mihriem-nun-tawi-zie.html
https://www.foxjournal.in/
https://www.foxjournal.in/
https://www.foxjournal.in/2016/05/mihriem-nun-tawi-zie.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy