Fox Journal | CCPur: Mak le rapthlak takin darkar tlawmte sungin Manipur hmun tum tum ah motor accident tium tak tak tlungin mihriem hringna iemani zat zet chân a ni tah.
Passenger motor Jiribam a inthawka Imphal pana hung tlan Tata Winger chu zan liemtah dar 12:00AM khan Khongsang le Irang inkar ah accident a tuok a, mihriem a chuong hai laia 7 chu a hmunah an thi nghal niin report chun a hril a. A dawt ah Maram kawl a um Likhrori hmunah Tourist Bus, Imphal pan bawk chu accident nawkin thina tuok 11 an tling tah ni a hril a nih a, hi zo hin a pathumna Lairou hmunah thuomhnaw phurtu Truck a accident nawk a, driver a hmunah a boral nghal niin chanchinthar a hai tarlang a nih.
Zan liemtah a inthawka hi ei insuo chen ni khat la tling lo (24hrs la tling lo) in, Manipur sunga hmun tum tum a accident leiin mihriem hringna 19 zet ei chân ta a nih. Input: ANN
COMMENTS