Bank Account le Aadhar number inzawm ding ti hunbi tliek um lo - CCPur Bank Manager

Fox Journal | CCPur: Bank Account le Aadhar Number inzawm (Linked) ding thu le inzawmin zanikhan CCPur a News reporter haiin khawpui sunga Bank Manager hai inhmupuina hun an hmang a, Bank Manager haia inthawk hieng ang thu iengkhawm a um naw thu hriet a nih.

Hi thu le inzawm hin Bank Manager pakhat chun sawrkar in Aadhar number le Bank Account inzawm ding ti sienkhawm tuta ding chun LPG Gas Subsidy a ding, Job Card Account le Pension Account a ding hai Bank in a ngai pawimaw tak a nih a. Hieng hai hi zofel sa hai ta ding chun Bank Account le Aadhar inzawm hi a pawimaw thar a ni nawh. Bank le Aadhar Number inzawm ding a hun bi siem a um chu a hrietpui naw thu le sawrkar a inthawk Official notice iengkhawm hmu an la nei naw thu hrilin, tuhin PAN card chau khawm hmang thei a ni thu a hril. (Source: Huihkhi)