 |
| CCP Police haiin New Bazar, CCPur Bus Parking an dap lai le mic.a thu an puong lai |
Fox Journal | CCPur: Zani tarik 19 April, 2017 khan thuneitu insanglem haia inthawka order dungzuiin CCPur khawpui sunga Petrol/Diesel/LPG Black a zawr hai chu tawp hmak ding le a la zawr sunzawm hai chu vawisuna inthawk an chungah dan ang taka hma lak a ni ding thu Police haiin tawng inringna hmangin mipui inhriettirna an siem.
Economic Blockade a um ta naw a, hieng anga thautui le LPG la zawr hai chu a tul angin April 19, 2017 a inthawk an chungah action lak a ni ta ding a nih. Hi thil hi liemtah April 17, 2017 a SP, CCPur a chamber a CCPur sunga ASP, SDPO, OC hai meeting an nei tuma an Agenda pawimaw tak a nih.
Chuong lai zing chun, zani ma khan CCPur Bus Parking na hmun chu Police haiin an dap nawk. Hi special drive hi I/C Drug Cell, CCPur PS le Reserve line team hai thangruola thaw a ni a. Kaparang khaw kawl a Waikhrok Toubung a khawm DIC Liquor litre 125, fragmented rice tin 65 le zufe kg 6 an man a nih.
COMMENTS