Fox Journal | CCpur: Vawisun tarik 15th April, 2017 sun dar 1 khan Council Hall, Tuibuong, ADC, Churachandpur hmun ah Churachandpur district a MLA tlingthar hai lawmpuina MDC haiin hunser an hmangpui.
Hi hun hi Pu Genneikhup, Hon'ble EM in a kei thuoi a. Pi V. Nemzathuam, Inspector of Schools, ADCC in scribe a nei a. Pu Pumtulthang MDC in hun hawng tawngtaina a hmang a. Pu Lal Hossan, Honble Vice Chairman in fekhawm hai lawmlutna hun hmangin, Pu Soiminlian Lengen CEO/ADCC in MLA tlingthar hai hnam puon hran hran, Parte le Siel (Mithun) sa hai inhlanna hun a hmang.
Hi zo hin Pu Langkhanpau Guite, Chairman, ADCC in keynote address le malsawm tawngtai pekna MLA thar hai a nei pek bawk a, hun kar lak a hmar hlasakthiem Lalengvari Sinate (Mami) in fekhawm hai hla a in awi bawk.
Hi hun hi R. Sudhan, IAS, DC, Churachandpur le Rakesh Balwal, IPS, SP, Churachandpur ha'n an hung uop bawk a, MLA tlingthar haia inthawkin thuhril tawi ngai a ni a, Pu Ngamhao Touthang Hon'ble EM in fekhawm hai chunga lawmthu hrilin, Pu Kamkholal Hon'ble Member in huntawp tawngtai na a hmang a, chu zo chun Pu Langkhanpao Guite, Chairman/ADCC in-ah laampuina bufak tlang na thlaithleng an awt bawk niin ei palai chun a report.
COMMENTS