 |
| The Pirates Band |
Fox Journal | CCPur: Brahmaputra vakam, Fancy Bazar, Guwahati hmuna Club 8 Beat Contest, Rengoni TV hai ibuotsai - 10th - 12th February, 2017 sunga nei naa chun Hmar tlangval thangna The Pirates hai chun Runners Up lawmman an dawng ve.
Hi beat contest a hin Round hni a um a, Prelims round Feb. 10 khan a um a, chun final chu Feb
12 khan zo a nih. Band hi 30 neka tam an thang a, Grand finale a hin 5 thlang dawk niin Club 8 Beat Contest Winner chu Gravity, Jorhat based Band an nih a. Anni hin Cheque Rs. 30,000, music video shooting, Semi - Acoustic Guitar, Studio Headphones, D'addario Bass Strings, Winners trophy hai lawmman in an dawng a. Chun, 1st runners up chu Hmar tlangval ngei thangna Ghy. based The Pirates band haiin an lak a, lawmman in India pawisa cheng 20,000 le Club 8 Memorial Trophy an dawng. 2nd Runners up hi Guwahati based band tho niin 'Lady Midday' haiin an lak a, lawmman ruok chu a um ta nawh.
The Pirates hai hin an original an perform bak a sap hla Alternative le Indie tieng pang Coldplay, Artic Monkeys, Royal Blood hai hla an perform sa.
The Pirates hai hi Band thar chau la ni hai sienkhawm contest dang pakhat ah an lo thang ta a, tuta mi hi beat contest an vawihni thangna a ni tah a, lawmman an lak nghal a nih.
The Pirates Band Members:
Vocals: James Paothanglien Singson
Guitars: Solon Hrangate
Bassist: Terry Thanghoulien Lienthang
Drums: Jason Joute
Club 8 Beat Contest hi Western Rock Music Competition a nih a, Rengoni TV hi NE Entertainment TV Channel inlar ve tak ni a hril a nih.
Phone fethlenga Editor le The Pirates palai an inbieknaa chun tulai hin hla phuok tieng pang an thaw nasa deu a, EP siemin in promote na malamin recording an thaw mek a, Release vat an beisei thu a hril. Chun, Pathien kuoma lawmthu an hril a, an sunghai, ruolhai le thil dang danga lo thangpuitu hai po po chunga lawm thu an hril a. An lawmman lak chu Pathien zar a ni a, Pathienin ropuina chang raw sen tiin an hril.
An hla lo ngai nuom hai ta dingin a hnuoia Link ei sie a hin ngaiven thei a nih.
Facebook :
www.facebook.com/thepiratesband/
Youtube :
https://www.youtube.com/channel/UCSLJPclgFfXX4KhqRKn7m3g
Soundcloud :
https://soundcloud.com/user-694021209
COMMENTS