Fox Journal | CCPur: Government of Manipur, Chief Minister Secretariat a inthawka Press Release, tarik 27 April, 2017 a insuo naa chun thla liemtah a NH-37 le NH-2 a passenger bus accident leia mihriem 28 an thi pha na suina report sawrkar a peklut a ni ta thu a tarlang.
Smt. H. Roshita, Director, (Transport) in report a submit naa chun kha Bus lekha khan vehicle permit validity iengkhawm an ziek naw bakah Assam a inthawka validity khawm iengkhawm a um nawh.
Chun, a khaltu pahni hai Ranjit Kumar (27) s/o Badhu Ram le DeepakRasaily (29) s/o (L) Khadka Bahadur Rasaily hai driving license chu a tehlem (Fake) a ni thu report a nih.
Hi neka inthuk lema la sui tu dingin CM N. Biren Singh chun Mr. L.M. Khaute, Director General of Police (DGP), Manipur chu Committe siem a, report kimchang tak ni 15 sunga pe lut dingin an hriettir.
CM chun DGP, Manipur chu Transport Department hai le inhrepaw a driving license chu en chieng ding, motor registration/permit le a motor validity sui chieng dingin a hril.
Manipur CM, Biren chun sawrkar chun Committee in report kimchang lem an hung peklut hunah sawrkar chun hieng ang thil le inzawma lo inhnamhnawi hai chungah a tul angin action a lak ding thu a hrilsa a nih.
SHARE:
COMMENTS