Fox Journal | New Delhi: Sawrkar thlungpui chun motor ke pahni nei le khal hai ta dingin Inhriettirna an suo a, chu dungzui chun April thla ainthawk two wheelers (motor ke pahni nei) sukhring a ni le inruolin headlight a var sa zing tading tia nih. Ramsunga Two Wheelers siema um hai hin Kumthara inthawk chu tuta sunchanga car haia Daytime running lamps um ang hi mania lo var el thei chi (automatic headlight on) inbuk ngei ngei dinga ti a ni tah.
Hi thil hi two wheelers ah hai inbuk a ni le inruolin headlight off na ding switch inbuk ni ta naw ni a, inhma khawm khan Supreme Court in motor tlanna lampuia himna (road safety) chungchang ngaituo dinga committee an din chun khawvel hmun hran hrana motor ke pahni nei intawk ding laka AHO (Automatic Headlight On) hi a tangkai hle nia hrein hi thil hmang dinga proposal siema um chu hmang vat a ni theina dingin Supreme Court chu a lo nawr ta bawk a nih.
Europe khawmuolpuia chu hieng ang thil hi kum 2003 khan hmang tan a lo ni der tah. Motor laia single category a ding chun two wheelers inbaw leia thina tlungna hi atam tak a, 2014 sung khan mi 32,524 in an thipui a, Lam bula lo ngir mi 1,27,452 in hliem an tuorpui bawk a nih.
Automobile Safety chungchanga mithiem bik (experts) hai chun AHO hin khawhmu theina (visibility) a suksang a, two wheelers khal hai tadingin sun, khawvar tawm le thimthama hai a tangkai hle ni'n a hril.
Thulakna in a tarlang dan chun motor sunga a lamp rawng, a varna le a var thatna hmang tangkaiin khawhmu (visibility) a suk tam thei a nih. (Input: THT)
COMMENTS