Fox Journal | CCPur: Good Morning Britain in interview an nei pui naa a thuhrilnaa chun, "Nau pathumin hlimna ropuitak an min tlun tah a. Chubaka chun, hlimna mi pe theitu dang chu van thengreng a inzin a nih" tiin a hril. Tukhawma an mi thuoi (Space ah) ka ring naw a, sienkhawm, Richard Branson in Van thengreng a inzin dingin Virgin Galactic ah thungna a mi pek a, aw ka ti nghal tiin Hawking chun a hril.
Professor Hawking chun Politics le inzawma a hrilna ah, President Donald Trump chu 'demagogue' a ti leiin US a chun lawmlut a ni a ring ta naw thu a hrilsa.
Chun, Brexit chungchang chu a hril nawk a, Europe le inzawmna le khawvel dang dang le inzawmna a tam thei ang nei ding a nih, abikin China leh tiin a hril a. EU suoksan na chungthu ah Science le thilthar hmusuokna kawnga Britain ngirhmun a suk derthawng thu a hrilsa bawk.
Richard Branson hi sumdawngtu ropui, Company 400 neka tam neitu Virgin Group enkawltu a nih. Richard Branson spaceflight company, Virgin Galactic chun commercial mission in hun iemani chen hnungah van thengreng a mi phur kai dingin an singsa mek. Branson hin kum 2009 khan van thengreng a invuong lut tir tumin thang a lo lak tah a, amiruokchu, a thiltum chu buoina dang dang le sietna a tuok leiin a la tir thei naw a nih.
Tuta Scientist ropui Hawking a offer na hi iengtik hun am an vuong lut tir ding ti chieng takin an la hril nawh.
COMMENTS