Sin inthlada leiin AE le SO suspend

Fox Journal | CCPur: Manipur CM Secretariat a inthawk a tarik 27 April, 2017 a Press Release siem naa chun Yaiskul Chingakham Leirak hmuna drainage le sewerage siemna hmuna siet tuokna le inzawm mi pakhatin hliem na tak a tuok leiin CM N. Biren a sawrkar chun PHW thawktu pahni chu an sinthawna an uksak naw le an duty an ngai pawimaw naw tiin an inchawltir (suspend).

Addl. Chief Secretary (PHE) Shri Shambhu Singh in order an suo dungzui chun Assistant Engineer Shri Laishram Irish Singh le Section Officer Shri Keisham Patel Singh hai chu hi lekha insuo a ni le inruolin an sina inthawk inchawltir hri phawt an nih.

Order hin a hrilsa chu suspend an ni sung hin subsistence allowance pek ning an ta, an Headquarter chu Imphal ning a tih.