Fox Journal | CCPur: Deputy Speaker, Manipur Legislative Assembly lo ni tah Pu T Thangzalam (TT) Haokip chu vawisun khan tukhawm a khingtu um loin Chairman, Hill Area Committe (HAC), Manipur Legislative Assembly a dingin thlang/ruot a nih. Hill Area Committee hi Constitutional body, India inawpna danpui bu Article 371 (C) hnuoia um a nih.
Bank thawktu a inthawka Politician ni tah Pu TT Haokip hi kum 1998 khan MSCP Ticket in MLA dinga thlangtling le Deputy Speaker lo chel tah a ni a. Kum 2000, 2002, 2007 le 2012 Manipur MLA inthlang huna hai khan TT Haokip hin a khingpui hne zo lo deuin a lo tla hlak a nih. Amiruokchu, a political thiltum inhmang loa, a biel Henglep siemthat nuomna chun a thuoi pei a, tuta tuma 11 Manipur State Legislative Assembly Election, 2017 khan BJP Ticket a ngirin thlangtling a hung ni tah a nih. (Input & Pic: Gin Gangte)
COMMENTS