Fox Journal | CCPur: May 8, 2017 a inthawk a Lalhmasuon Joute Memorial Hall, JJ Plaza, Rengkai Road, CCPur hmuna zantin a inkhel, 5th Hmar Martyrs' Badminton Tourament, 2017 chu vawizan tarik 13th May, 2017, zan dar 6:30 khan Tourney kharna hunser hmang a nih.
Hi huna hin Pu Hranglienthang, President, HYA Hmarveng Branch chu Chief Guest in a thang a, ama baka hin mi pawimaw Pu Lalvullien, Chairman, HMARTOB, Pu David Buhril, Mizoram-HPCD inbiekna palai, Gulith Hriler, President, HSA Rengkai Unit le a dang dang haiin hi hunser hi an uop tawl a. Inkhelmi tam tak an thangsa bawk.
Chief Guest in tuta tuma Hmar Martyrs Trophy fe mek a inkhelmi suongum hai chu unau hnam dang hai an tam em em a, ei hnam sung ah inkhelna tiengpang nasataka thang ei lak ve a tul zie a hril.
Hi huna hin Mizoram le HPCD inbiekna fe mek a palai a thangve David Buhril khawm hun pek a ni a. Inkhelna pawimaw zie hrilin, naupangte a inthawk tan a pawim thu hai a hril a. Inruolsieknaa hin thiemna chau ni loin inphahnuoi dan inchuk khawm a pawimaw thu a hril.
Tuta Mizoram le HPCD hai inbiekna chu fimkhurna ding dang dang a la um leia duthusam a inbiekna points hai media a hai suklang a la rem naw thu a hril a. Inbiekna a tluong pei a, Pathien zarin inbiekna hi tukum a zofel hman a ring thu a hril.
A hril zawm peinaa chun Department dang dang hai keikhawm in rorelna khawl puitling tak nei theina ding induong mek a ni a. Sixth Schedule in hamthatna a nei thei naw hai dam, a ram leilung a thuneina hai le a dang dang zieklut a ni thu hrilsa bawk.
The 5th Hmar Martyrs' Badminton Tournament 2017 Final Results chu hieng ang hi a nih:
1. Junior Champion: Dennis R Joute s/o Upa Robert Joute, Saidan, CCPur.
Runners Up: Lianminlal Haokip s/o Paukholun, Muolvaiphei.
2. Single Men's Open Champion: Heikrujam Punshiba Singh s/o Jugin Singh, Imphal.
Runners Up: Jose Lalthlangfel Tusing s/o John F Tusing, Apollo Veng, Lamka, CCPur.
3. Doubles Open Champions: Heikrujam Punshiba Singh s/o Jugin Singh le Ningombam Nandaraj Singh s/o Ningombam Manglemba Singh, Imphal mi ve ve an nih.
5th Hmar Martyrs' Badminton 2017 lawmman hai chu hungtlung ding tarik 16 May, 2017 khin inhlan ni veng an tih.
COMMENTS