Fox Journal | CCPur: Vawisun May 10, 2017 zantieng dar 3:30 hin Mizo People Convention Office, Hmuia Veng, CCPur ah CCPur JAC le Manipur sawrkarin MoU an ziekfel beisei a nih.
JAC le state sawrkar chun point tam lema hai inhrietthiem tuona an nei tah a, hieng hai hi MoU a zieklut ning ning a tih tiin zanita CM Secretariat a CM, N. Biren in Shirui Lily Festival hmangna ding le inzawma website a hawngna huna chun a hril.
MoU hi Under Secretary - Ministry of Home Af-fairs hrietpuinaa ziek ning a ta, state aiawin Chief Secretary O
Nabakishore in suoi a kei ding a nih. JAC palai hai chu Mizo People Convention (MPC), United Zou Organisation (UZO), Simte Tribe Council (STC), Teddim Chin Union (TCU), Young Paite Association (YPA) hai ning an tih.
Memorandum an ziek ding a point langsar ei hriet thei hai chu:
1. Bill thar draft a ni hun ah stakeholders hai rawn ding.
2. State sawrkarin SoO group le tripartite talk fe mek ah theitawpa thangpui ding.
3. Ex-gratia le zangnadawmna mithi 8 hai le hliem sungkuo hai ta di'n.
4. Martyrs Memorial Park le Hall bawl
5. Administration fel lem na dinga District thar in pieng tir
6. Mithi kaphlumtu hai tha taka suidawk le
7. Mithi hai vuiliem.
COMMENTS