Fox Journal | CCPur: Vawisun tarik 10 May, 2017 khan CCPur JAC le Manipur sawrkar hai chu Home Ministry hrietpuina le venghimna tha tak hnuoiah Mizo People Convention Office, Hmuia Veng, CCPur ah inbiekremna MoU point an lo ziek fel tah.
Mangchinkhup, Chief Convenor, JAC; O Nabakishore Singh, Chief Secretary, GoM; B Dongzalian Simte, President, Simte Tribe Council, GHQ; Vanlalrinliana, President, Mizo People Convention, Manipur; Chinlunthang, President, United Zou Org., GHQ; H. Pau Za Cin, President, Tedim Chin Union, HQ; Hrepuitu: A N Jha, Under Secretary, Ministry of Home Affairs, GoI haiin suoi an kei a nih.
MoU point 9 an ziek, chuong hai chu a tawifel danin:
1. 3 Bills hai laia pakhat chu President in a witheld ta sa a ni a, a dang pahni GoI kut a pending a la um hai chu tawkchang a ni ding chun stakeholders hai rawn ding. Hmatieng ah tlangmi hai pawi tawk thei ding Bill draft a ni nawk ding chun state sawrkar chun India inawp dan bu ang thlap zui a, stakeholders hai rawn ngei ding.
2. State sawrkar chun administration le inzawma JAC hai ngenna chu lawmum a ti a, SoO party hai le Tri-partite inbiekna fe mek ah thei tawp a thangpui ding.
3. Mithi hai kuoma ex-gratia Lakh 5 seng le sin nghet an sung hnai tak hai kuoma May 25, 2017 hmaa pek ding.
4. May 25 hma ngei a mi 48 hliem hai zangnadawmna 50,000 seng pek ding.
5. Bill buoina leia ruolban ta lo mi 8 hai sin pek ding le zangnadawmna Lakh 2 seng May 25, 2017 hmaa pek ding.
6. Memorial Park, Lamka le Memorial Hall, Singngat a bawlna dingin state sawrkarin sum a thangpui ding.
7. State sawrkarin District thar hni a um chu a hrietpui a, District Boundary Commission in report a pek phat State Cabinet in ngaituong a tih.
8. Police hai silai kap na le civil hai thina ah state sawrkarin sui a ta, dan angin hma lang a tih.
9. JACAATB in May 25, 2017 hmain mithi hai vuina hunser siem an remtih.
COMMENTS