 |
| Mr. Anthony Lianzuala |
Fox Journal | CCPur: Mr. Anthony Lianzuala chu New Controller General of Accounts (CGA) thar niin vawisun khan India khawpui New Delhi ah charge a lak.
Anthony Lianzuala hi 1982-batch Indian Civil Accounts Service (ICAS) Officer a ni a, vawisun May 1, 2017 khan Controller General of Accounts (CGA), Department of Expenditure, Ministry of Finance ah a sin thar a lo zawm ta a nih. Ama hi India hmarsak biela inthawka hieng ang sin insang chel hmasatak a la nih.
Lianzuala hi inchukna tieng ah Hindu College of Delhi University a graduate, state le central a tawnhriet tha tak nei tah a nih a. Sin insang tak tak Central Board of Direct Taxes (CBDT), Ministry of Information & Broadcasting, Ministry of Consumer Affairs, Food & Public Distribution, Ministry of Commerce le Ministry of Rural Development a hai a lo chel ta hlak bawk.
Hieng hai baka hin, Lianzuala hi Aizawl besan Public Financial Management and Accounting Training Institute (INGAF-NER) a Director hmasatak a ni a. India hmarsak biela IT hmasawnna dinga sin nasatak thawtu a hrietlar a nih. Mizoram state a Treasury le inzawma mi pawimaw tak el a ni a. Mizoram a hin Agricultural Marketing, Border Trade and Relief & Rehabilitation ah Secretary a lo ni tah a. Public Sector, Guwahati a Managing Director of North-Eastern Agricultural Marketing Corporation (NERAMAC) a thlang a ni bawk.
COMMENTS