Fox Journal || 05.01.2017:
Vawisun tarik 1-05-2017 (Monday) hin Presbyterian Church Of India kaupeng - Presbyterian Youth Fellowship, Cachar Hill Tribes Synod chun Harangajao, NC Hills, Assam a Bazaar area le a sevel a hmun țhenkhat sukfaina hun a buotsai. Hi hun a hin Synod tiengpang a'nthawka țhuoitu Rev. Winisional Massah, Rev. Jubileethang Hrangchal le mi 7 țhangsain Harangajao area sunga PYF member, hieng - Boro Muolkoi, Michikhur, Boro Lokha, Dibruchhera, P. Hnachangzawl, Huonveng le Buolmuol Bagan hai a'nthawk mi 150 bawr vel Hnam dang (Khasi, Hmar, Kuki, Vaiphei, Hrangkhawl) dangin sin chu zingkar dar 10:00 khan țanin, zantieng Dar 2:00 khan zo fel a lo ni tah!
Vawisuna hi tlangsin neina a hin Kohran Upa le țhuoitu dang dang hai khawm tlawmngaina insuoin an hung țhang ve a, sin chu hnesaw taka sukfel niin lampui khawm sukzau sa a nih. Lampui suk zauna a hin, a tlawn tawpin darkar 3 vel JCB ei unau Mr. Santosh Hojai (Dimasa Hnam) in a min hmang tir a nih. Hi thil thawna a hin ei Hnam, ei ram le ei sakhuona a ringnawtu hai lai chanchințha a sukdar pha ngei ring a um. Ringnawtu Vai hai chun, 'hieng ang thil inthaw hi a ropui taluo' anti nghe nghe. Chu el khela Bazaar lai vela cheng hai chun Thingpui le Bei khawm a tlawn tawpin an min fak/dawn tir a, Mineral Water khawm kartoon khat le Cheng 500/- khawm dawngsa bawk a nih.
Harangajao Area lai chau ni loin Mahur a khawm hieng ang thil hi vawisun nei a ni a, Haflong area a khawm Tarik 10-05-17 a hin la nei dinga riruong siem a ni bawk.
"IN THIL THAW ȚHAT HAI HMU IN INPA VANAMI LA CHAWIMAWI VENG ANTIH"
Lalpa'n ropuina chang mawl rawseh!
Note: PYF CHT Synod Thupui "Your are the light of The world" le inzula hi thil hi thaw a nih.
(Source: Tv. Lalrothan Vankal)
SHARE:
COMMENTS