Fox Journal | CCPur: Zing tarik 16 May, 2017, dar 10:30AM khin Saikawt khelmuol, CCPur hmun ah Hmar Martyrs' Day ursun tak a inser ning a tih.
Inkhel hmu nuom um tak ding, 14th State Level Hmar Martyrs' Football Tournament, 2017 Final - FAST (A) le Sielmat YC haiin zantieng hun ah inkhel an tih.
Martyrs' Day inserna hunser a hin Pi Dr. MC Mary Kom, MP (Rajya Sabha/5 Times World Boxing Champion) chu Chief Guest a thangin hunser hi a hung uop thei ding a hriet a ni a, Pu Letpao Haokip, Minister IFCD & YAS, GoM chu Guest of Honour ning a ta, Functional President in Pu Dr. Chaltonlien Amo, MLA le Chief Host in Pu Dr. L. Fimate, Former Director, RIMS, Manipur hai thang an tih.
Martyrs' Day hunser tak hi Rev. Lalhmingthang, PS, EFCI Saikawt Presbytery in tawngtainain hawng a ta, hun khar tawngtaina Rev. Lalramlawm Inbuon, PS, Tuithaphai Presbytery in hmang veng a tih.
Hlasakthiem hrietlar tak tak Blessed Choir, Lalsanglien Zote, Lalengvari Sinate, Rotinkhawl Hrangchal, Lorinda Varte le John L. Varte haiin hla-in mipui in awi an tih.
Hmar Returnee haiin Condolence Salute hun hmang an ta, NCC Rayburn College haiin Salutation & Parade suklang bawk an tih. Kom, Meitei, TKSU le Hmar haiin an hnam lam hai an suklang ve ding. Chun, HMARTOB hmingin Gun Salute thaw a ni bawk ding a nih.
Pu Lalvullien, Chairman, HMARTOB GHQ in Keynote Address hril a ta, Tv. Alan Famhoite, Secretary, HMARTOB in thilpek inhlanna hun hmang veng a tih.
Mi pawimaw fiel bik hai hin thuhrilna hun hmang seng an ta, hunser hmangzo a niin 14th State Level Hmar Martyrs' Football Tournament, 2017, Final inkhel ning a tih. Hi hun sung po hin Tv. Eljay Ngaite le Nk. Lawmnakim Hrangate haiin hunser hi thuoi an tih.
Inkhel zo a ni hun ah Martyrs' Day le inzawma inruolsiekna um hai po po lawmman semdawk na hun hmang a ni ding a nih.
COMMENTS