Lalpaa Innghat

Kristien i ni leiin “I lungril po poin Lalpa chu ring la, nanga hrietthiemna ringawta chun innghat naw rawh” ti hi i hriet ve ngei tah ring a um. Amiruokchu, hi thu in lar em em Thuvarhai bung 3 a mi hin thu inriltak a fun a, nitina zui dingin lampui harsatak hraw a ngai a nih.

1. Nangah innghat naw rawh: Ei chengna a hin inringzona hi hlaw dawk, thaw dawk a ngai a, chulaizing chun mi ringum hi ei tam naw hle. Chu chu, Solomon, lal vartak le inlar em em, Thuvarhai ziek tuhin a lo hriet chieng hle.

I lungril po poin Lalpa chu ring la, nanga hrietthiemna ringawt a chun innghat naw raw a lo ti tawp el a nih. Ei reng hin harsatna, mangangna ei tuok seng a. Hieng huna hin innghatna ding ei invai ruoi hlak.

Eini le eini chau, ei thilthawtheina le ei hausakna a innghat el hi a lo awl khawpel. Amiruokchu, Lalpa’n a mi kona leh an ang naw a nih. Chu nek hman chun amaa innghat dingin a mi ti a nih.

Ei lungril a chu amaa innghat ding ei nih ti khawm ei hriet ring a um (Rom 11:33). A chang chu amaa innghat tawp hi intak ei ti hlak. Chuleiin, nitin a ei thiltum le beiseinahai hi sie hmanga, a remruotna chu pawm tawp tum ding a nih.

2. Pathien kuomah khek suok rawh: Pathien kuoma inpumpekna hi hmur le lungril ngaituona a inthawk intan a nih. Ama a innghat tawp ding chun nasataka inpekzo a ngaia, ei ringzie suklangna dingin a kuoma hei khek suok a ngai a nih.

Ei tawngtai hin a lampuihai chu ei lampuihai nekin an sang lem ti ei pawm ei suklang a nih. Ei harsatna, ei lungngaina le ei thiltumhai a kut thilthawtheiah ei innghat ti ei suklang a nih. A kuoma ei tawngtai hin a mi ngaithlak hlak ti ei Bible a ngei khawm hmu theiin a um (Ps 55:7).

Ama’n a mi thuoi thei ti ei hriet leiin ei hringnun a kuomah ei inkawltir hlak a. Amiruokchu, ei nunah sin a thaw tak tak ding chun thaw ding ei nei...

3. Suola inthawka tlan hmang: Pathien le ei inzawmna tha em em hi khawvel hin nasatakin a mi suksietpek thei a. Johan, chanchintha ziektu chun tisa chakna, mit chakna le damsung ropuina tehlem hai tiin a lo hril a. Pathiena inthawka ei malsawmna dawnghai hi ei ta dinga tlukna in an chang lem niin an lang.

Amiruokchu, hringnun ei khalnaa hin Pathien tieng ei en zing a, a lampuihai ei hraw zing chun lawmnain ei sip zing hlak.

Pathien dit dana um ding hin chun a mi sukhnawktuhai pei thlak amanih, sie thlak a ngai hlak a nih. Bansan harsa ei iti em emhai dam bansan a ngai hlak a nih.

2 Timothe 2:22 chun, “Nisienlakhawm, tleirawl chaknahai chu tlansan la, lungril inthieng le Lalpa lam taphawthai kuoma chun felna dam, ringna dam, hmangaina dam, inremna dam hnawt ve rawh”tiin a lo hril a. Chu chu thil awl a ni? A ni teu teu nawh! Ei thilthaw nuom ngawi ngawihai, thaw rem ta si lohai tlansan chu an tak hle a. Ama ko a, a rawl ngaia amaa innghat tawp naw chun an thei nawh.

Amiruokchu, chu thil chu ei thaw phawt chun Pathienin a tadinga ei inpekna chu ala chawimawi ding a nih. Ama ei zui hin, damna ei hmu a. Suol nghatsana Pathien zui hi mi tamtak ta ding chun thil harsatak a nih. Nuoma leilung dan hraw el an nawh. Chu nek hmanin ei nun thlakdanglam tawp a tul a nih.

4. Pathien a hmasatakah sie rawh: Mani le mani a hmasataka in sie hi chu an hawi em em. Thiltha ei lo thaw chun eini le eini chibai ei inbuk nuom hiel hlak. Thilthanaw a tlung ruok chun intum ding ei zawng hlak.

Tangka sum tieng a ni leh an tak nawk zuol niin an lang. Amiruokchu, Solomon, lal hausa em em khawm khan a hausakna kha ama ta a ni nawh ti a hriet a. “I thilnei a chun Lalpa chu inza la, I hlawkna po po rahmasahaia le chun. Chuongchun, I bu inhai chu tamtaka suk sip ning a ta, I sawrna khurhai chu uoiin tharin luong liem a tih” (Thuvarhai 3:9-10) tiin a hril a nih.

Ei thilneihaia Pathien ei ring ngam a ni chun, amaa ei innghatzie ei suklang a nih. Mani hlaw hmasatak rahmasa pek chu harsa vieu sienkhawm, ei hlaw nei kha eini lei a ni nawa, Pathien malsawmna ei dawng a ni a, Pathien a hmasataka hei sie tina a ni lem. Chu hmun tlung ding ruok chun hi hi suk chieng rawh...

5. Pathien thua inthawka mani le mani infie: Ip loa hril chun, mani le mani inhmu hi harsa ei ti em em a. Ei nun dan, ei thilthawhai, ei suolnahai hril hliep tumin nasatkin thang ei lak hlak.

Pathien ei ring tak tak a, suol ei tlansan ding chun ei ngirna hmun hriet chieng a tul a nih. Indiktaka a min khi theitu ei zawng a ngai a nih. Chu chu Bible a inthawk chauvin an thei a nih.

A chang chu ei tha ti dan vawng le ei ditdan vawng a ni dal thei. “Ka naupa, LALPA thununna chu ngainep naw la, a kawkna chu ngai tha bawk naw rawh” (Thuvarhai 3:11). A chang hin chu ei chungah thiltha naw a tlung phat dam, thil ei ti naw an deiin a um phat dam ei inthlakdanglam a tul ti hi ei pawm thei chau hlak a nih. Pathien thu ei bel chieng po leh, hi thil hi ei chungah a tlung hlak a nih. “I chungah thil ka suksuol nawna dingin, I thu chu ka lungrilah kan khawl khawm a” (Ps 119:11).Pathienthu hi ei lungrila ei inkhawl khawmhai hmangin Pathienin a mi biek rawp hlak.

6. Thlarau thienghlim thuhril ngai rawh: Isu Krista in Thlarau Inthieng tir dinga an tiem khan, a thuoihruoihai kuomah hi thlamuongtu hi an lampuihai kawk hmutu ding a nih tiin a hril a (Johan 14:26). Nitin a ei thilthawna a hai khawm hin, hi thlarau inthieng ngei hin a mi thuoi hlak a nih.

Ditthlangna ei siem a tul chang dam, lungawp inkaia ei um chang dam, rawl innem chiei in thu ei kuomah a hril hlak a nih. Chuongchun, eini ringtuhai kuoma thlarau thilpek chun thil inhrietthartir a mi nei a nih....

7. Pathien hmangaina a innghat: Khawvel harsatak a hin nitin a ei kalchawina ah, a chang chu Pathienin a mi hriet fuk ta naw ning a tih ei ti chang a tam. Iengleia thiltha naw a tlung am? Ka mamaw lai tak Pathien khawlam a um a?

Solomon chun Pathienin a mi ensan ngainaw ziet chieng takin a mi hrilpek a. “Naua i lawm taphawt chu a vuok hlak i sawn naw” (Thuvarhai 3:12).

Harsatna thlipuiin a mi nuoi chang khawmin, Pathien chu ei kuomah a um zinga, harsatnahai chu ei ta dinga malsawmna, a hmel mi’n hmutirtu in an thang lem hlak a nih. Chuong thil chu ei hriet suok pha chun, ei lungril put dan chu an thlak tawp a, ei suksuolnahai chu hmu ta loin, khang hai kha Pathien, mi hmangaitu ei Pa in ei chungah sin a thawna ei hmu hlak a nih.

Chuleiin, Pathien hi ring a um a nih. Ei ring ngam ding a nih. Nitinin a mi ngaituo hlak a nih. Ei nitin chakhai a mi pek hlak. Malsawmna nasatkin a mi vur bawk hlak.

Hieng a chunga ei tarlanghai po po hi a hraw chu thil awl ai an nawh. Chuleiin a nih, Isu’n mani inhnawla ama zui dinga a mi ti hi. Pathien ring hin mani inpekzona, khawvar a inthawka inthim chena inpekzo a ngai a nih. Amiruokchu, malin ei um nawh:

“... kei kumkhuoin khawvel tawp chen khawmin in kuomah um pei ka tih” (Matt. 28:20). (Thalai Weekly/Fox Journal)


COMMENTS

Name

Articles,95,B Lalsanglien,1,Bakshi,1,BUONGLIENKUNG,11,Cleaven Hmar,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,2,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,2,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,4,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,498,LR NGHINGLO,1,LT. NEITHANG,1,Manipur,1,National News,29,News,567,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: Lalpaa Innghat
Lalpaa Innghat
https://lh3.googleusercontent.com/-P1Lxe51_YWs/WQ603YrqrnI/AAAAAAAABNI/vFFwf4eBCV88u-aEvL_cbaOLHpJXjKs2ACHM/%255BUNSET%255D cursor: pointer;
https://lh3.googleusercontent.com/-P1Lxe51_YWs/WQ603YrqrnI/AAAAAAAABNI/vFFwf4eBCV88u-aEvL_cbaOLHpJXjKs2ACHM/s72-c/%255BUNSET%255D cursor: pointer;
FOX JOURNAL
https://www.foxjournal.in/2017/05/lalpaa-innghat.html
https://www.foxjournal.in/
https://www.foxjournal.in/
https://www.foxjournal.in/2017/05/lalpaa-innghat.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy