Fox Journal | CCPur: The Editor's Guild Manipur le Manipur Hill Journalists Union hai thangkawp a "Communal Harmony: Bridging the Gap" ti thupui hmang a, Lamka Press Club, Churachandpur a workshop an hmang huna Chief Guest, Manipur CM, N. Biren Singh a thuhril laktawi thenkhat. (May 6th, 2017)
1. A hmasatakin CCPur a Martyrs 9 hai inzana ka pek a, hi chen chen mithi nei a um sungkuo hai ka tuorpui.
2. JAC hi 3 Bills le inzawm a indin a ni a, 3 Bills le inzawm ngeiin inbiekna a fe pei a, 3 Bills le inzawm bawk JAC le sawrkar inbiekna tluontling, a tawp siem thei beisei a nih.
3. CM lawmlutna Ukhrul, Kangpokpi District haiin an nei tah a, thupui takin mipui haiin an mi lo lawmlut a lungawi um ka ti em em. CCPur a khawm hnam bing thenkhatin lawmna hunser kan nei nuom tiin fielna an hung siem a. JAC leh hung inbie rem phawt kan ta, chu zo tieng chun CCPur a hnam po po hai kim dapin lawmna hunser hung siem inla, inhawi takin ei innui tlang ding a nih.
4. Lamka College Students Union in Subject 4 siem belsa ding a ngenna an siem chu suk puitling vat ning a tih.
5. ZSF in CCPur le Lamka College hai PG inchuk theina level a hlangkai ding an ti chu, Thawtanni phat ka Office ah hung ro.
6. Lamka Press Club in building ngenna an hung pek hi, a hmun le hmang thubuoi um lo a ni leh CM power in a thei chen bawzui ning a ta, a dang hai chu department dang dang hai leh thangruola sunzawm ning a tih.
7. Imphal a Hills Journalist Union hai Office fing ngenna chu tha ka ti bek bek a, bawzui bat ning a tih.
8. Ngenna siem a um hai po hi, tawngbau a zo el hlak mi CM ni ka nuom nawh. Vawisun a memorandum in hung pek hai, dawnna ka siem hai hi mi enzui ro. Tawngbau chau a thaw hlak CM ka ni le ka ni naw ni iemani zat hnung ah hrie el in tih.
Churachandpur, I Love You tiin a thuhril a suktawp.
COMMENTS