 |
| Nunghak Christina Shakum, Manipur Idol S1 - 2017, 1st Runner Up |
Fox Journal || 27. 05.2017:
Manipur Idol Season - 1 Grand Finale chu zan liemtah (27 May, 2017) dar 9:00 khan ropuitakin MFDC, Konung Mamang, Imphal hmuna zo fel a lo ni tah. Hi hun a hin Hmar hlasakthiem le HSA Platinum Star winner lo ni tah Nk. Christina Shakum khawm Manipur Idol ni tumin a țhang ve. Sienkhawm, hi hun a hin Nk. Christina'n a hlasak hnesaw em emin a sak le a perform lai zingin vangduoithlaktakin Manipur Idol nina chu a lo chang phak ta nawh.
Manipur Idol Season - 1 a hin Hmar Nk. Christina khawm a țhang ve leiin ei Group a khawm vawitamtak Post ei lo siem pha tah. October tarik 25, 2016 khan Manipur Idol Season - 1 a țhang thei dingin Nk. Christina hin audition round a palthlang a, chu tak a'nthawk chun hmatieng fe peiin Grand Finale (Top 7) chen a kai phak a nih. Mi tamtak Judges Round kai phak lo an um lai zingin, Nk. Christina chun round tawpna chen țhang phakin runner-up a lo lak tah!
Zani zan la la khan Nk. Christina hi Sinlung Royal Riders hai chun lawmpuina le chawimawinain Kangvai khuo ah an lo hmuok a, Christina hai chengna khuo Khawmawi chen an tawiawm.
Khawmawi a hin zan sawt ta sienkhawm, khawtlang in Community hall ah hunser siemin lawmpuina hun hai an lo hmangpui bawk a nih.
FINAL RESULT -
Manipur Idol: Joihring.
1st Runner-up: Christina Shakum
2nd Runner-up: Ananda Shing.
(Photo credit: Tv. Lyan Cancerpieces le Pu Aren Sanate)
COMMENTS