 |
| W.L. Hangshing |
Fox Journal | CCPur: India in awpdan bupui Article 316 besanin Manipur Governor, Najma Heptullah chun Pu W.L. Hangshing, IAS, Addl. Chief Secretary to the Govt. of Manipur chu kum 6 sung annawleh kum 62 a ni chena di'n Manipur Public Service Commission (MPSC) member dingin a lo ruotfel tah. A hlaw le lawmman a dang a hmu ding hai chu Manipur Public Service Commission regulations, 1972 dungzui ning a tih.
Hi a sin thar chel ding a ruot a nina le inzawm hin Manipur Public Service Regulation 5, 1972 besanin Pu W.L. Hangshing chu IAS, Addl. Chief Secretary, Govt. of Manipur a nina chu hi sin Manipur Public Service Commission Member a chel tana inthawk hin inchawltir nghal a ni bawk.
Pu Hangshing hai hi sungkuo hlawtling tak el an nih a, ama W.L.Hangshing hi 10.10.1997 - 7.11.1993 sung khan DC, CCPur sin khawm a lo chel tah a. A pa, Pu Tongkhohao Hangshing khawm 4.1.77 - 29.6.79 sunga CCPur DC lo chel tah, Manipur tlangmi ei hriet thei um hai laia pafa DC chel ve ve la umsun niin ei hriet. Pu W.L. Hangshing a phirpui pa le a sangpa khawm IRS senior tak ve ve an ni bawk a nih. Anni hi Kangpokpi District, Manipur mi an nih.
COMMENTS