May 10 in CCPur JAC leh MoU ziek fel beisei

File photo of CCPur JAC and state Govt.dialogue

Fox Journal | CCPur: 2015 August a Manipur Assembly in Bills 3 a pass hai ditnaw le dodalna dinga siem a um CCPur a JACAATB le Manipur sawrkar chun hungtlung ding zing, May 10, 2017 khin Memorandum of Understanding (MoU) an ziek fel beisei a ni tah.

JAC hin CM thar hi vawithum lai zet an inhmupui hman tah a, chu zo ah mipui fekhawmin ngaidan lakhawm le hi chungthu hriltlangna hun an hmang hlak.

Chanchin hriet dana chun May 10, 2017 zinga khin CM thangin JAC le Meeting nei ding a ni a, inbiekna hi beisei anga a tluong chun MoU ziek nghal beisei a ni thu ei hriet. MoU ziek a ni chun, 3 Bills le inzawma thi mi 8 ruong CCPur Dist. Hospital Cold Storage a la sie zing hai ruong chu vui liem thei a ni tah ding niin ei chanchin laksawngna chun a hrilsa.

State sawrkar chun JAC le inbiekna a vawi li na ding chu Union Home Ministry a lo intlun der tah a. Hi meeting a hin Union Home Ministry palai pakhat a thangve ding niin ei chanchin lakna chun a hril.