Prof. Lal Dena in VC Office a hluo tan (Video)

Prof. Lal Dena at his Office, Sangai University

Video Link: https://youtu.be/Z2RlnzPx2Tc

Fox Journal | CCPur: Manipur a tlangmi hai sinsie na bu a la chuong ngai lo, a hmasatak ni dingin vawisun May 5, 2017, zing dar 11 khan Professor Lal Dena chun Sangai International University, Rengkai Road, Churachandpur District ah, Vice Chancellor Office a lo hluo tan tah.

Ama Office ngei ah ei Editor in a zun hmupui huna hin hmabak ah enfel ding le thaw ding tam tak a um thu a hril a. A Office chu nitin kai ngei a tum thu le, hi University hi tuolsung (Local) mi haiin an tangkaipui le hma an sawn pui thei ngei dan ding a enkawl a tum thu le a zawm nasan niin a hril.

Tuta SIUM hi City Campus, Rengkai Road ah a lan nghat mek a. Permanent Campus umna ding S. Bualjang, CCPur a ni a, hi hmun khawm hi VC thar hin zing ah a hmun ngeia va fe a en ding le, a tul dan dan a hma lo lak ta sa le la lak na ding hai bawzui a ni ding thu a hrilsa.

Manipur University a History Professor retired, Prof. Lal Dena hin lekhabu 10 a ziek tah a, tuhin a 11 na ding "Fourth World: Indigenous Peoples' Movement & India's Northeast Experience" ti a ziek zo nawk tah a, editing thaw mek a nih. Lekhabu 11 a ziek ta poa hin 1 Hmar tawng le 10 dang hai chu Saptawng (English) a a ziek vawng an nih.

A lekhabu ziek thar publish na ding hin International organisation pahni a dawr mek thu a hril a, a hlawtling chun sap ram ah publish ning a ta, a hlawsam ruok chun India ah publish a ni ding thu a hril bawk.