 |
| Prof. Lal Dena |
Fox Journal | CCPur: Chanchinthar tak ei hriet naa chun Rengkai Road, CCPur a innghat mek Sangai International University, Vice Chancellor dingin Professor Lal Dena chu ruot thar a nih.
Prof. Lal Dena hin Official takin hungtlung ding May 5, 2017 - Zirtawpni khin Sangai International University a zawm tan ta ding thu FJ Editor kuomah a hril.
Sangai International University hi campus nghet chu S. Boljang hmun a innghat ding a riruong a nih. Building hai iengkhawm bawl tan a la ni naw a, zofel a ni hma po SIU hi Rengkai Road, CCPur ah a lan nghat phawt ding a nih.
Prof. Lal Dena hi Pu Thafel le Pi Fimchawikim hai nau, January 11, 1939 a Pherzawl District a pieng a ni a. Kum 1959 khan Pherzawl High School ah pawl sawm a zo a, 1963 khan DM College, Imphal ah PUC zoin kum 1966 khan Gauhati University a inthawk BA a zo. Chun, Ghy. Univ. a inthawk bawkin 1970 khan MA (History) a zo nawk a. Kum 1982 khan Jawaharlal Nehru University (JNU) a inthawkin Ph.D a hmu a nih.
Professor Lal Dena hin Department of History, Manipur University, Imphal ah zirtirna sin a thaw a, tuhin sawrkar in chawl a pek hnung hieng ang ngirhmun ah hlangkaiin a hung um nawk a nih.
Lekhabu 6 a ziek tah a. UK, France, Malaysia le Korea hmuna hai Academic Seminar le Workshop pawimaw tak tak neiin a lo fe ta hlak bawk a nih.
Professor Pu Lal Dena hi Manipur tlangmi hai laia Vice Chancellor ding a ruot hmasatak le VC sin chel hmasatak ni a hriet a ni a, Hmar el ni loin tlangmi hai ta dinga mellung pawimaw tak phun tu a nih.
COMMENTS