Fox Journal | CCPur: Zani June 22, 2017 zan khan 14th State Level Hmar Marty's Trophy 2017 Champion, Sielmat khawtlang chun Hmar Martyrs Trophy ah a pakhatna an lak chu khawtlang huopa lawmna hunser Sielmat HYA Hall ah an hmang.
Trophy lawmna hunser hmangnaa hin CCPur ADC Finance Chairman Pu Lalditsang Puruolte chu Khuollien a hmang a nih a, Functional President in Sielmat bieltu Pu Ngamhao EM, CCPur ADC a thang bawk.
Pu Ngamhao in mipui hmaa thuhrilna a nei naa chun Sielmat, Canan Veng lampui blacktop a siem dingin proposal a pek lut thu a hril a, a khuo khat chu inthuruol ding an ni thu le Sielmat YC le fans hai hi Martyrs Trophy sukpuithu tu an ni thu hai a hril.
Sielmat Youth Club Players, Staff hai chawimawina in Khuollien in Thangsuopuon an sil tir tawl.
Hunser hmangnaa hin Sielmat khawsung a inthawk hlasakthiem haiin mipui fekhawm hai an in awi bak ah, thlang thar zo chau la ni lai zing Manipur Idol Season - I Runner Up Nk. Christina Shakum le Florence Sungte haia inthawkin hla mawi tak tak ngaithlak a nih.
Mipui fekhawm an thahnem hle a, hunser hmang lai hin ruo sur sienkhawm fekhawm hai chu a chawkbuoi bek bek naw niin chanchin ei dawng a. Hi lawmna hunser hmangnaa hin HMARTOB President ni lai mek Pu Lalvullien khawma a uop ve niin ei chanchin dawngna chun a hril.
COMMENTS