Fox Journal | CCPur: Tarik 20 June, 2017 (Thawle zan) a PHC Ankhasuo a thiltlung le inzawma thu lo thedar a um le inzawmin vawisun tarik 22 June, 2017 khan Khangbawr, Ankhasuo, Monadhor, Kachurbali le Savomphai a khawtlang thuoitu hai le HSA Vangai JHQ le HYA jiri-Barak JHQ hai le Pi Kh. Anupriya Manager New life Trust le a workers hai inbiekna an nei.
PHC Ankhasuo building hmun ngei ah fein inbiektlangna thlamuongum tak a nei a ni a, hieng thuoitu hai hin Manager Pi Kh. Anupriya kuomah Doctor's le Nurse hai hin khuo suoksan lova an sin la thaw zawm pek nawk ngei dingin an ngen a, ngenna an an siem chu tha a ti hle a, amiruokchu, security tha tawk sawrkarin a buotsai pek hma chu Doctor le Nurse hai an la um thei naw ding a nih ti'n Manager in a hril thu ei chanchin dawngna chun a hril.
COMMENTS