Fox Journal | CCPur: Vawisun tarik 10th June, 2017, zing dar 10:30 a inthawk khan LJ Memorial Hall, Rengkai Road, CCPur ah HSA CCPur JHQ chun a biel sunga inchuklai hai ta dingin Career Guidance le Manipur Board le Council hnuoia (BoSEM - CoHSEM) exam a thaw tha bik zuol hai lawmpuina hunser an hmang.
Hunser hmangnaa hin Chief Guest in Pu B. John Tlangtinkhuma, IAS, Director (Edn-U) & Chairman CoHSEM, Joint Secretary (Hr. & Tech. Edn.) a thang a, Guest of Honour in Pu Rakesh Balwal, IPS, Superintendent of Police, Churachandpur Police hai an thang.
Career Guidance a hin Tv. Michael Fimliensang Fimate, MCS in Competitive Exam le inzulin thu a hril a, inchuklai hai ta dinga pawimaw tak chu lekha thiem ni loin lekha tiem rawn chu a pawimaw tak a ni thu uor takin a hril a. Chun, Pathien theinghil lo ding tiin a hril. Medical Science le Games & Sports thlur in Dr. C.A. Laldinsang Pudaite (Cornel Pudaite) in hun a hmangve a, inchuklai hai chu time set thiem a pawimaw thu hrilin, time ei set thiem phawt a ni chun inchukna le inkhelna kawng ah buoina ding a um naw thu a hril.
HSA CCPur JHQ biel sunga School Headmaster le hotuhai khawm hi huna hin an thangve tawl a. Rev. Lalngailien Joute, Headmaster, Douglas Memorial HS chun HSA CCPur JHQ hai thilthaw chu tha a ti thu a hril el bak ah, naupang inchuklai hai chau ni loin, nu le pa thangsaa hieng ang inrawntlangna hun hi siem dingin thurawn a pek.
HSA State Coordinating Committee, Co-Ordinator Pu Lalrobul Pudaite, HSA Imphal JHQ General Secretary, Joshua Shakum haiin hi hunser hi an uop ve.
Manipur Pawl sawm le pawl sawm pahni result suok a, CCPur HSA biel sunga thaw tha hai tawngtaipekna le lawmthu hrilna hun Rev. Michael Zote, Academic Dean, Sielmat Bible College in a hmang bawk a nih.
Kum 2017 a HSA CCPur JHQ in chawimawina anhlan hai chu a hnuoia ang hin a nih:
Pawl sawm - Board of Secondary Education, Manipur (BoSEM):
Hosea Ramthlunglien (AG High School) - (L) Hosea Laldinsang Meritorious Award - BoSEM (Maths - 96 Marks)
Lalhrietsang Infimate (Douglas Memorial HS) - Lienthasang Puruolte Meritorious Award - BoSEM (MIL Hmar - 94 Marks)
Joshua Lalditsak Infimate (Douglas Memorial HS) - HSLC Overall Topper Award - BoSEM (502 Marks - 83.66%)
Hosea Ramthlunglien (AG High School) - Science Topper Award - BoSEM (Science 80 Marks)
Joshua Lalditsak Infimate (Douglas Memorial HS) - Social Science Topper Award - BoSEM (Social Science 86 Marks)
Hosea Ramthlunglien (AG High School) - English Topper Award - BoSEM (English 81 Marks)
Pawl sawm pahni - Council of Higher Secondary Education, Manipur (CoHSEM)
Jimmy Lienhmingthang (VA) - (L) LT Zuola Meritorious Award - CoHSEM (Arts stream 389)
Lalvarmawi Hmar (VA) - Science Stream Topper Award (Science 353)
Nancy Lalvarmawi (RBC) - (L) Siellienthang Puruolte Meritorious Award - CoHSEM (MIL Hmar 92 Marks)
Pawl sawm - Central Board of Secondary Education (CBSE):
Justin Songrolal Songate - CBSE (HSLC) Topper Award (92%)
Pawl sawm pahni - Central Board of Secondary Education (CBSE)
Jerome Lalnithang Pulamte (St. Pauls High School) - CBSE (HSSLC) (68.8%)
School Awards:
Assembly of God High School - 97.85% (Pawl sawm - BoSEM)
COMMENTS