Fox Journal | CCPur: Government of Manipur in order ansuo dungzuiin Pi Helen Lallienmawi Varte w/o Upa Laldawnlien Varte, Prez HYA GHQ chun Churachandpur ICDS office ah Churachandpur CDPO thar ni dingin 20 June 2017 dar 11 am khan a Office alo hluo tan tah.
Office a hluo huna hin, lut mawl tawl el lovin ringtu ei nina thuom famkima inthuomin Rev Fimthasang Infimate in Pathien kuoma sin tha taka a thaw theina ding le amah fethlenga sorkar thilah mi tamtakin malsawmna tamtak an dawng theina dinga tawngtai pekna le office inhlan na hun a nei.
Hi huna hin staff hai le ruoltha iemanizat, tlawmngaina kawnga a pasal Upa Laldawnlien Varte sin thawpuihai Pu CV Lalduhawma, Prez Group YMA Manipur, Pu Kamthang, Prez KLL GHQ le Pu Kumarjit Addl SP, Churachandpur, Pu Samson, Prez HYA Rengkai Branch le Pi Uma, DSWO Churachanpur ha'n an uop.
Ama hi june ni 1, 2017 a transfer order hmu le 5 june 2017 a joining report pe tah a nih a, sienkhawm ama office tak hi hun iemani chen hluo lum lo a um a ni leiin dt 5 june a'nthawk khan an nupa in a office hi nasa taka cheibawlna (renovation) sin thaw tanin tuhin Office hmel ni awmtak inlang ve in an zuk hluo thei tawk a nih. An nupa a an tha tuok le an inpekna hi entawn tlak tak an nih.
COMMENTS