Fox Journal | Sielmat: EFCI Central Kristien Thalai Pawl hmalakna le remruotna in zani tarik 30.06.17 zan khan EFCI Imphal Presbytery KTP haiin Saikawt Presbytery hai chu Sielmat EFCI Biekin ah kanin inkhawmna hunser an hmang.
Inkhawm hi zan dar 6.30 a tan a ni a, Imphal PKTP a inthawk Worship Team haiin hla thuoiin Tv. Nicholas L. Inbuon in inkhawm a keihruoi a, Secretary PKTP Imphal le Saikot Presbytery hai a inthawk introduction le report ngaithlâk a nih. Chairman PKTP Imphal le Saikot a inthawk short speech ngaithlâk a ni bawk.
Pathien thucha Rev. Hrangchunghnung, Presbytery Superintendent, Imphal a inthawk ngaithlâk a ni a. Hun karlak ah Imphal PKTP a inthawk hlapâwl, Nk. Ruth Buhril le Tv. Lalruotdik le Saikot Presbytery a inthawk Nk. Josephine, Nk. Mary Tuolor le Florence Sungte hai a inthawk hla ngaithlak a nih.
Saikot Presbytery KTP ta dingin thawlawm lak khawm a ni a. Hun dit khawp lo rak in hmang a ni hnungin Imphal PKTP hai chu zan dar 10 vel khan Imphal panin an kir nawk nghal niin chanchin ei dawng.
COMMENTS