Hmar Artiste Assn. in Entertainment Sub-committee a siem

Fox Journal | CCPur: Tarik 14 June, 2017 khan M. Ramthar, CCPur ah HAA chun Literature humhima vawngthatna ding le pholangna dingin Entertainment Production Sub-committee a lo indin tah.

Hi Committee hin Hmar Culture le Tradition humhim le hnam puon hai humhima, vawngthatna malam dingin pi le pu chanchin a mi "Sawrlai" chu besanin film changtlung tak siem dingin hma a lak mek.

Director dinga ruot Pi Debory Fimsangpui chun a ruongam lo siem dinga lo hrillawk a ni angin Sawrlai chanchin chu a Act le Scene a thenawiin hnesawtakin a pholang. Fekhawmtu hai chu a chawk tho hlea, Manipuri Film Industry tiengpang a'nthawka hung hai khawm chu an duthu a hle leiin, Manipuri Version thaw ngei dingin an hril a, chu thawna ding chun a tlawna thangve dingin an hung tlawmngai ding thu an hril nghal bawk.

Chu baka chun chun Hnam chawisang tumna a hmalak a nih ti hriein an theina zawn sengah tlawmngai tak le thafan taka thang tlang dingin committee hun suk tawp a nih. Hi le inzawm hin HAA GHQ chun mitin, abikin hieng tiengpanga inhnikna nei hai chu a lawm hle a. Chun, HAA Unit tin (Hmar po po) chu, Hmar Thu le Hla a hnam dawmsangna ding a nih ti hrea a tul ang anga hmang thei dinga lo inring zing dingin inhriettirna a siem nghal bawk a nih tiin ei thulakna chun a hril.