Fox Journal | CCPur: HSA CCpur JHQ huoihawtna hnuoia inchuklai hai ta ding bik a buotsaia um zani zantieng dar 3 PM khan Life Cafe, Blue Room ah Spelling Bee competition 2017, Elimination Round a tan a nih.
Hi hun hi Jr. Amo, Secy. Info. & Publicity in a țhuoia, hun hmasatak a Pathien thu (Bible) tiemna neiin hun a hawng a, chu zo a, Rev. Roparlien Ralsun in țawngtaina in hun a hawng.
HSA CCpur JHQ General Secretary, Jeffrey L. Joute in Rules and regulation hai hrillangin, Spelling Bee HSA in a huoihawt nasan hai a hril. Pronouncer Elizabeth Pachuau in hun a lak a, inelna tan nghal a nih.
Hi in elna a hin Inchuklai School dang dang anthawk mi 16 an thanga, chulaia thiem bik mi 5 (Top 5) hai chu Final Round an lut. Chuong hai chu Contestant No.1, 5, 6, 7 le 9 (Photo) hai an nih. Top 5 hai hi Vivian's Collection in gift an hlan tawl nghal.
Spelling Bee inelna nei zo a niin HSA CCpur JHQ. Secy. Education, Charles Lalenglien in Pathien kuoma tawngtaina in hun a khar.
HSA Spelling Bee final hi hungtlung ding 3rd July, 2017 zan dar 6:30 PM hin LJ Memorial Hall, Rengkai ah nei ning a ta. Hi hun hi nu le pa hai khawma hung ngaipawimaw a hung uop dingin Fox Journal fethlengin HSA CCPur JHQ chun fielna a siem nghal.
Spelling Bee Competition hi Hornbill Cable Network, CCPur haiin Elimination Round anthawk Final chen a thlawnin full coverage an thaw bawk ding a nih.
COMMENTS