Fox Journal | Haflong, 18 June, 2017: HSA Jt. Hr Sec. & Colleges, Haflong haiin sum lamsuokna dinga HSA T-Shirt an buotsai chu vawisun inkhawm țin khan Hmar Inpui Office, Muolhoi ah Tv. Sumneikung Țhiek (President, HSA JHQ N.C.Hills & Karbi Anglong ) in a tlangzar.
HSA T-Shirt tlangzarna hun hi Tv. Lalramdin Tuolor, Vice President H.S.A Joint Higher Seondary & Colleges in programme a keițhuoi a, Tv. David Keivom (ISF President) in hun hawng țawngțaina le thuhril tawi a nei zoin, T-Shirt Sub.- Com. recording Secy. Tv.Edmund L Darngawn (Asst. Secy.) in T-Shirt project chungchang kimchang takin report a pek. Tv. Sumneikung Țhiek, President, HSA JHQ NC Hills & KA in T-Shirt tlangzarna a nei zovin, Pi Teii Lungțau, HWA Muolhoi unit in HSA T-Shirt siem zo theia a um leia lawmthu hrilna le tluong taka zawr suok a ni theina dingin Pathien kuomah inhlan țawngțaina a nei a, Tv. Paul Rozarlien Hmar, President HSA Joint Hr. Sec. & Colleges in Vote of Thanks hrilna neiin hun suktawp a nih.
T-Shirt tlangzarna rogramme hi HSA JHQ NCH & KA țhuoitu, HWA Muolhoi unit, HSA muolhoi unit țhuoitu le an Adviser Pu Ropui Hmar hai khawmin an uop ve.
T- Shirt hi S, M le L size haia siem an ni a, a man chu Rs.350/- ding niin, a chung tieng hnam ta dinga țhahnemngaina leia kut suksei nuomhai chu lawmlut zing an ni bawk.
Țhahnemngaia T-Shirt inchaw nuomtu hai chun hieng a hnuoia hai hi contact el ding an nih:
1. Paul Rozarlien (9476541454)
2. Lalramdin Tuolor (9613118590)
Hnam Hminga inchaw sup sup dingin HSA JOINT HIGHER SECONDARY & COLLEGES, HAFLONG chun mitin kuomah ngenna a siem.
COMMENTS