HSA V & K Unit in pass hai an lawmpui

Fox Journal | CCPur: Tarik 19 June 2017, zani zantieng dar 2.30pm khan Valpakot le Khawpuibung HSA Unit chun Manipur Board le Council exam 2017 a an unit a'nthawk a hlawtlingna chang hai lawmpuina hunser le bu fakpuina hun Valpakot, CCPur ah an hmang.

Hlawtingna chang hai hi lawmthu hrilna le hmatiengpeia hlawtlingna ditumtak an chang pei theina ding a tawngtai pek na Upa Lalmuonsang in a hmang.

Hi huna hin mi lien le milal hai fiel ni naw hai sienkhawm, inchuklai hai ta dinga an hotulien HSA Churachandpur JHQ thuoitu hai fiel an ni angin hi huna hin an va thang ve a, khawsung lal Pi Niengi, HYA V & K branch le kohran upa thenkhat hun pek a an um anga an hun hai sukdik theia an um tawl leiin HSA V & K chun lawm um an ti hle bawk. Hunser hmang zo a niin hlawtling hai lawmpuina ding a buotsai ruoi inhnik tak el kiltlang niin chanchin ei dawng.