Khangbawr - Lower Kharkhuplien lampui siem di'n Rev. le tlawmngai pawl an suokdawk

Fox Journal | CCPur: Tarik 12/6/17 khan Vangaitlanga khohran thuoitu hai Rev. Lalruotsang le Rev. Thangkhumlien hai hmalakna'n lampui sietna lai (Khangbawr - Lower Kharkhuplien) hai siemthatna sin thaw dingin mi 80 vel Khangbawr khuo ah an lo riek lut tah.

HSA le HYA JHQ thuoitu hai leh inpawl na an neia, an sin thaw nasan tak nia an hril dan chun lampui harsatna nasatak an tuok ta leiin fak le dawn thu ah harsatna lien tak an tuok a, Bufai (Rice) khawm Rs. 40/- per-kg. in an fak phak chau an tah tiin an hril.

Sawrkarah innghat ding an nei tanaw leia beidawng taka mipui hung inthawksuok an ni leiin an thiltum zo hmakhata sunzawm pei ding thu Convenor, Rev. Lalruotsang Presbytery Officer chun a hril.