Fox Journal | CCPur: HSA CCPur JHQ hmalaknaa GHQ le thangkawpin 25 Days Crash Course - Coaching 2017, HSA Campus a July 3 a inthawk a tan lo ni ta chu zani zingkar khan a lo tumtiek tah.
Hi coaching class a hin tutors 5 - Sharon Lalparvul, James T. Darngawn, Ropienglien, Alfred Ngamthanlien Pangamte, Ruthi Lalchawisang le Lily Chothe hai in zirtir na sin an thaw a nih.
Coaching a thang in register po chu mi 80 chuong an nih a. Hi coaching hi Inrinni zat Mock Test nei hlak a ni bawk.
Zani a tawp na dingin, August thlaa SSC CGL exam ziek ding Hmar tawng hmang a nuom taphawt hai ta dingin Mock Test a thang thei ding HSA chun thu an suo angin Test nei a nih a, register le in register lo tam takin Final Mock Test hi an ziek a nih.
Final Mock Test a hin lawmman Top 3 siem a nih a - David K. Pakhuongte (Rs.500/-), John Buhril (Rs. 300/-) le Joshua Sanate (Rs.200/-) haiin Top 3 lawmman an lak a nih.
Coaching kharna hunser tawite hmang a nih a, Tutors tlawmngai hai kuomah lawmman in Memento le Cash inhlan an nih. "Tuta SSC CGL exam result dungzuiin Tier - II a dingin sunzawm nawk tum a nih" tiin General Secretary, HSA CCPur JHQ chun a hril.
COMMENTS