Fox Journal || 18.07.2017:
Muolveng, Muolhoi a khawsa mek Upa Khupzakam Țhiek chu Jinam Valley Lamp Co-Operative Society a kum 20 vel zet a thawk hnungin March tarik 3, 2017 khan a lo pension der tah.
Upa Khupzakam Țhiek chun hi a pension na a pawisa a hmu a'nthawkin bufai inchawin Jinam Valley Lamp Co-Operative sunga mi sungkuo 190 kuomah bufai 25 kg bag sem dinga riruong a lo siem ta chu zani (17th of July 2017) khan hieng khuo 4 a hai hin a lo semsuok der tah. Chuonghai chu:
1. N. Hmarlusei
2. P. Hmarlusei
3. Leiri le
4. Namriengram (Dijung).
Riruong siem dan chun hieng khuo 4 hai bak a hin Jinamgath hmunah khuo 13 hai lai bufai la sem nawk dinga riruong a ni bawk.
Upa Khupzakam Țhiek hi Kohran le Khawtlanga inhmang em em a ni a, Pathien zarin a nauhai khawm Doctor le Engineer dam ni phak ngat an nih. Tlawmngaina leia țhangpui ngaihai țhangpuitu Pu Khupzakam Țhiek thilthaw hi inpak a umin, hieng ang mi tlawmngai ei nei hi a thlamuong um thlak hle.
(Courtesy: Isaac Neingaite)
COMMENTS