Fox Journal | CCPur: Kindergarten Happy Heart School chun hungtlung ding 17 - 21 July, 2017 khin Fun Learning Week 2017 (Dream Believe Achieve) chu an School, Bethel, CCPur ah huoihawt an tih. Main Event (FLW Gala) chu Inrinni, 22nd July, 2017 ning a tih.
Hall Program 10:00 AM -12:30 AM le Outdoor Extravaganza chu 12:40 PM a intanin hi hun sung hin nei ni hlak a tih.
Hi huna mi hiptu (Attractions) ding hai chu Music & Dance, Food stall, Art Gallery, Nail Craft, Red Carpet Photo Shoot, Mask it!, Braids & Plaits, Shoot and Win! le a dang dang a ni ding a nih.
Kum 2016 khan hieng ang hin an lo thaw tah a. Inchûklai naupang haiin an inchûkna leh khawm inmil em em el in hun hlimum tak an hmanga, an talent chi tum tum an pholang hai chu sum a inchangtir a um in inchûklai an naupang chanpui a harsa zuol hai thangpuina'n an hmang hlak.
Tukum khawm hin sum an hmusuok haiin Inchûklai naupang chanpui harsa zuol hai an thangpui nawk ding a nih. Hieng a ni lei hin lekhathiem thei em em inchûklai naupang sum harsatna leia an thiltum tlung phaklo ding tam tak an hmatieng suk eng pekin hlawtlingna le lawmna ram ah a la hung thuoilut ding a nih.
22nd July, 2017.10:30 AM hin mipui ta dingin FLW Gala um a ta, hi huna hin Inchûklai naupang harsa zuol i thangpui nuom a ni chun sum-le-pai a kut rawlin, i va dawr ve thei ding a nih tiin chanchin ei dawng.
COMMENTS