Fox Journal | Rimawi Huong: Hmeltha le hlasakthiem a inlar tak le hmar lai chau ni lo, hnam dang dang le tawng dang dang hmang hai khawma an hrietlar le an hla hai saktu Hmar nunghak Daisy Khawbung chun tulai hin America a state hran hran a hlasak a rawngbawlna a nei mek.
Daisy Khawbung hi liemtah June 22, 2017 khan America a tlung a, ama hi June 30 anthawk a July 2 chen Adventist Mizo Youth Prayer Convene hmang dinga fe a nih a. A fieltu hai hi Chesapeake Conference of Seventh-day Adventist Church, Maryland hai an nih.
Conference a fe dinga fiel a ni lai zingin hmun hran hran le kohran chi hran hran a khawm rawngbawl dinga fielna a dawng sa pei a, tuchen a rawngbawlna a nei na kohran hai chu Seventh Day Adventist, MCC, Methodist le Presbyterian Kohran a hai a nei tah. Hla a sak el khel a Pathienthu a thei ang angin Sharing a nei sa pei hlak. Rawngbawlna hi Maryland, Indianapolis, Lowa a hai a nei ta bawk a, Washington DC, New York le Maryland a hai program a la nei nawk a nih. Pathien in rem a ti chun August kar tawp tieng pang a hung kir nawk dingin an singsa niin chanchin ei dawng.
Hieng anga Hmar nunghak hlasak thiem le hmeltha, khawvel ram ropui laia tiem America ram chen chen hlasak a rawngbawlna a nei thei hi Fox Journal chun ei lawmpui em em a, hmatieng pei a khawm hi nek a nasa lem le rawngbawlna len lem nei nawk pei dingin ei ditsakna insangtak ei inhlan a. Rawngbawlna hlawtling tak a nei zawm pei thei na dingin tiemtu hai po po in lo tawngtaipui ei tiu.
COMMENTS